June 22, 2022
June 22, 2022
ദോഹ : നിലവിൽ ഉപയോഗിച്ചുവരുന്ന നോട്ടുകൾക്ക് പകരം ഉപയോഗിക്കാവുന്ന ഡിജിറ്റൽ കറൻസി പുറത്തിറക്കുമെന്ന് ഖത്തർ സെൻട്രൽ ബാങ്ക് ഗവർണർ ഷെയ്ഖ് ബന്ദർ ബിൻ മുഹമ്മദ് ബിൻ സഊദ് അൽ താനി അറിയിച്ചു.ഖത്തർ ഇക്കണോമിക് ഫോറം അഭിസംബോധന ചെയ്തു സംസാരിക്കുന്നതിനിടെയാണ് അദ്ദേഹം ഇക്കാര്യം പറഞ്ഞത്. ഇതിനായുള്ള പ്രവർത്തനം പ്രാരംഭഘട്ടത്തിലാണെന്നും അദ്ദേഹം കൂട്ടിച്ചേർത്തു.
ഡിജിറ്റൽ കറൻസി പുറത്തിറങ്ങിയാൽ ഇപ്പോൾ ഉപയോഗിക്കുന്ന റിയാലിന് പകരം അത് ഉപയോഗിക്കാനാവും. പ്രിന്റ് കറൻസിയുടെ ഉപയോഗം കുറക്കുകയും സാമ്പത്തിക വിനിമയങ്ങൾ കൂടുതൽ എളുപ്പമാക്കുകയുമാണ് ഡിജിറ്റൽ കറൻസിയുടെ ലക്ഷ്യം.
"ലോകത്തെ പല സെൻട്രൽ ബാങ്കുകളും (രാജ്യങ്ങളും) ഡിജിറ്റൽ കറൺസി ലോഞ്ച് ചെയ്യുന്നതിനെക്കുറിച്ച് ഇപ്പോൾ ആലോചിക്കുന്നുണ്ട്. ഖത്തറും അവയിൽ പെടുന്നു. ഇതിന് ഏറ്റവും അനുയോജ്യമായ സാങ്കേതിക വിദ്യ ഉപയോഗിക്കും. ഡിജിറ്റൽ കറൻസിയുടെ നേട്ടങ്ങളും വെല്ലുവിളികളും ഇപ്പോൾ പഠിച്ചുകൊണ്ടിരിക്കുന്നു," ഷെയ്ഖ് ബന്ദർ പറഞ്ഞു.
അതേസമയം, ഡിജിറ്റൽ കറൻസി നോട്ടുകളുടെ ഉപയോഗത്തെ ബാധിക്കില്ലെന്നും അദ്ദേഹം വ്യക്തമാക്കി.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക