August 13, 2022
August 13, 2022
ദോഹ : ഫിഫ ലോകകപ്പിനായി എത്തുന്ന സന്ദർശകർക്ക് താമസ സൗകര്യം ഒരുക്കാൻ കാബിൻ രൂപത്തിലുള്ള താമസകേന്ദ്രങ്ങൾ ഒരുക്കുമെന്ന് സുപ്രീം കമ്മറ്റി ഫോർ ഡെലിവറി ആൻഡ് ലെഗസി.സുപ്രീം കമ്മിറ്റി ഫോർ ഡെലിവറി ആൻഡ് ലെഗസിയിൽ (എസ്‌സി) ഹൗസിംഗ് ഡിപ്പാർട്ട്‌മെന്റ് എക്‌സിക്യൂട്ടീവ് ഡയറക്ടർ ഒമർ അൽ ജാബർ ഖത്തർ ടെലിവിഷനുമായി സംസാരിക്കുന്നതിനിടെയാണ് ഇക്കാര്യം പറഞ്ഞത്.
"അപ്പാർട്ട്മെന്റുകളും വില്ലകളും ഹോട്ടലുകളും ക്രൂയിസ് ഷിപ്പ് ഹോട്ടലുകളും പോലെ,താമസ സൗകര്യങ്ങളുടെ ഒന്നിലധികം ഓപ്ഷനുകളിലൊന്നാണ് കാബിൻ മാതൃകയിലുള്ള ഇത്തരം ഫാൻ വില്ലേജുകൾ"-അദ്ദേഹം പറഞ്ഞു.ഖത്തർ ഫ്രീ സോൺ, മാൾ ഓഫ് ഖത്തർ, ലുസൈൽ മൾട്ടിപർപ്പസ് ഹാൾ എന്നിവിടങ്ങളിലെ ഫാൻസ് വില്ലേജുകൾക്ക് കീഴിലുള്ള മൂന്ന് കേന്ദ്രങ്ങളിലാണ് ക്യാബിൻ ശൈലിയിലുള്ള താമസസൗകര്യം ഒരുക്കുന്നതെന്നും മെട്രോ റെയിൽ ഉൾപ്പെടെയുള്ള പൊതുഗതാഗത സൗകര്യം ഉള്ള കേന്ദ്രങ്ങളാണ് ഇതിനായി തെരഞ്ഞെടുത്തിരിക്കുന്നതെന്നും അദ്ദേഹം കൂട്ടിച്ചേർത്തു.
ഹോട്ടൽ സേവനങ്ങൾ വാഗ്ദാനം ചെയ്യുന്ന 8,000-ലധികം ക്യാബിൻ ശൈലിയിലുള്ള താമസസൗകര്യങ്ങളാണ് സജ്ജമാക്കുകയെന്നും ഒമർ അൽ ജാബർ പറഞ്ഞു. www.qatar2022.qa എന്ന വെബ്‌സൈറ്റ് വഴി ഇത്തരം താമസസ്ഥലങ്ങൾ ബുക് ചെയ്യാവുന്നതാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
