August 06, 2021
August 06, 2021
ദോഹ: ഇന്നുമുതല്‍ കോര്‍ണി്ഷ് റോഡ് അടച്ചിടുന്നു. നഗരത്തിലെ പ്രധാന പാതകളിലൊന്നായ കോര്‍ണിഷ് റോഡുകള്‍ നിര്‍മാണ പ്രവര്‍ത്തനങ്ങളുടെ ഭാഗമായി അടച്ചിടുന്നതിനാല്‍ മറ്റു വഴികളില്‍ തിരക്കേറും. അഞ്ചുദിവസമാണ് അടച്ചിടുന്നത്. ഇന്നു പുലര്‍ച്ച മുതല്‍ തുടങ്ങുന്ന ഗതാഗത ക്രമീകരണങ്ങള്‍ ഓഗസ്റ്റ് 10 ചൊവ്വാഴ്ച രാവിലെ അഞ്ചു വരെ തുടരും. ഈ കാലയളവില്‍ നഗരത്തിലെ അനുബന്ധ പാതകളും പൊതുഗതാഗത സംവിധാനങ്ങളും ഉപയോഗപ്പെടുത്തണമെന്ന് പൊതുമരാമത്ത് മന്ത്രാലയം അശ്ഗാല്‍ മുന്നറിയിപ്പ് നല്‍കിയിട്ടുണ്ട്.കോര്‍ണിഷിനോട് ചേര്‍ന്നുള്ള അനുബന്ധ പാതകളും ഈ കാലയളവില്‍ അടഞ്ഞുകിടക്കും. അടച്ചിട്ട പാതകളിലൂടെ കാല്‍നട അനുവദിക്കും.
