August 30, 2019
August 30, 2019
ജനീവ: ഉപരോധവുമായി ബന്ധപ്പെട്ട ഖത്തറിന്റെ നിലപാടിനെ പിന്തുണച്ചും സൗദി, യു.എ.ഇ സഖ്യത്തിന്റെ എതിര്പ്പ് തള്ളിയും യു.എന് രക്ഷാസമിതി. വംശീയ വിവേചനങ്ങളെ ഇല്ലായ്മ ചെയ്യാനായി പ്രവര്ത്തിക്കുന്ന യു.എന് സമിതി കമ്മിറ്റി ഓണ് ദ എലിമിനേഷന് ഓഫ് റേഷ്യല് ഡിസ്ക്രിമിനേഷന്(കെര്ഡ്) ആണ് ഖത്തറിനു പിന്തുണ നല്കിയത്.
ഉപരോധവുമായി ബന്ധപ്പെട്ടു സുപ്രധാനമായ രണ്ടു തീരുമാനങ്ങളാണ് കെര്ഡ് കൈക്കൊണ്ടത്. സമിതിയുടെ വിധിപ്രഖ്യാപനത്തിനെതിരെ സൗദി അറേബ്യയും യു.എ.ഇയും സമര്പ്പിച്ച എതിര്പ്പ് തള്ളിക്കളഞ്ഞായിരുന്നു ഇത്. ഇതോടൊപ്പം ഇരുരാഷ്ട്രങ്ങള്ക്കുമെതിരെ ഖത്തര് സമര്പ്പിച്ച പരാതി അംഗീകരിക്കുകയും ചെയ്തു.
2018 മെയ് മാസം ഗള്ഫ് ഉപരോധവുമായി ബന്ധപ്പെട്ടു നടന്ന നിരവധി വാദം കേള്ക്കലുകള്ക്കും എഴുത്തിത്തയാറാക്കിയ വിശദീകരണണങ്ങള്ക്കും ശേഷമാണ് സൗദിയും യു.എ.ഇയും ഉയര്ത്തുന്ന എതിര്പ്പ് വിശ്വസനീയമല്ലെന്ന് സമിതി കണ്ടെത്തിയത്. രാഷ്ട്രാന്തര വാര്ത്താ വിനിമയങ്ങളുടെ അംഗീകാരവുമായി ബന്ധപ്പെട്ട് ഇരുരാഷ്ട്രങ്ങളും ഉന്നയിച്ച വിസമ്മതം തള്ളിക്കളയുന്നതായും സമിതി വ്യക്തമാക്കി. കഴിഞ്ഞ വര്ഷം മാര്ച്ച് എട്ടിനാണു സമിതിക്കു മുന്പാകെ ഖത്തര് പരാതി സമര്പ്പിച്ചത്.
യു.എന് ഹ്യുമന് റൈറ്റ്സ് ഹൈക്കമ്മിഷണറുടെ ഓഫീസിനു കീഴില് പ്രവര്ത്തിക്കുന്ന ഇന്റര്നാഷനല് കണ്വന്ഷന് ഓണ് ദ എലിമിനേഷന് ഓഫ് ആള് ഫോംസ് ഓഫ് റേഷ്യല് ഡിസ്ക്രിമിനേഷന്(ഐ.സി.ഇ.ആര്.ഡി) നിരീക്ഷിക്കുന്ന സ്വതന്ത്ര വിദഗ്ധ സമിതിയാണ് കെര്ഡ്. കേസിന്റെ അര്ഹത പരിശോധിക്കാനായി രണ്ട് അഡ്ഹോക്ക് കമ്മിഷനുകള് സ്ഥാപിച്ച് നടപടിക്രമങ്ങളുടെ അടുത്ത ഘട്ടത്തിലേക്കു നീങ്ങാനിരിക്കുകയാണ് കെര്ഡ്.