September 09, 2021
September 09, 2021
ദോഹ : ഖത്തറിൽ റോഡുകളുടെ തകരാറുകൾ കണ്ടുപിടിക്കാൻ ഇനി പുതുപുത്തൻ സാങ്കേതികവിദ്യ. റോഡുകളുടെയും, പാലങ്ങളുടെയും ഓടകളുടെയും കെട്ടുറപ്പും, ഇവയുടെ താഴ്ഭാഗത്തിന്റെ അവസ്ഥയും പരിശോധിക്കാൻ ത്രിമാനറഡാറുകൾ തയ്യാറാക്കിയത് പൊതുമരാമത്ത് വിഭാഗമായ അഷ്‌ഗാൽ പുതിയ മാറ്റത്തിനൊരുങ്ങുന്നത്..
ഖത്തറിലെ പ്രധാന പാലങ്ങളിൽ ഒന്നായ അൽ അസീറി പാലത്തിൽ ഈ സാങ്കേതികവിദ്യ പരീക്ഷിച്ചു കഴിഞ്ഞു. റോഡുകളിൽ വിള്ളലോ ഗർത്തങ്ങളോ രൂപപെടുന്നതിന് മുൻപ് തന്നെ ഇവ തിരിച്ചറിയാനുള്ള ശേഷി ഈ റഡാറുകൾക്കുണ്ട്. നാല് മീറ്ററോളം താഴ്ചയിലെ ഭൂഗർഭവിവരങ്ങളും ഈ റഡാറുകൾ വഴി കൃത്യമായി അറിയാം. ആളുകളുടെ സുരക്ഷയും, ഒപ്പം സുഗമമായ ട്രാഫിക്കും മുന്നിൽകണ്ടാണ് ഇത്തരമൊരു നീക്കം നടത്തുന്നതെന്ന് അഷ്‌ഗാൽ മേധാവിയായ എഞ്ചിനീയർ മുഹമ്മദ്‌ അൽ ഖഷാബി വ്യക്തമാക്കി. റോഡുകളുടെ മികവ് നിലനിർത്തുന്നത് വാഹനങ്ങളുടെ ഇന്ധനക്ഷമത വർധിപ്പിക്കാനും ഇതുപകരിക്കുമെന്ന് എഞ്ചിനീയർ കൂട്ടിച്ചേർത്തു.
