September 21, 2021
September 21, 2021
ദോഹ : ഖത്തർ അമീർ ഷെയ്ഖ് തമിം ബിൻ ഹമദ് അൽ താനിയും, ബ്രിട്ടീഷ് പ്രധാനമന്ത്രി ബോറിസ് ജോൺസണും കൂടിക്കാഴ്ച്ച നടത്തി. യുഎന്നിന്റെ എഴുപത്തിഏഴാമത് ജനറൽ അസംബ്ലിക്കായി ന്യൂയോർക്കിൽ എത്തിയ ഇരുവരും ഖത്തറിന്റെ യുഎൻ ഓഫീസിൽ വെച്ചാണ് കണ്ടുമുട്ടിയത്. ഖത്തറിനും ബ്രിട്ടനും ഇടയിലെ ബന്ധം ഊഷ്മളമാക്കാൻ എന്തൊക്കെ ചെയ്യാൻ കഴിയുമെന്നും, ഒപ്പം അഫ്ഗാനിസ്ഥാൻ അടക്കമുള്ള അന്താരാഷ്ട്രവിഷയങ്ങളും കൂടിക്കാഴ്ചയിൽ ഇരു നേതാക്കളും ചർച്ച ചെയ്തു. ബ്രിട്ടീഷ് പൗരന്മാരെ അഫ്ഗാനിൽ നിന്നും സുരക്ഷിതരായി പുറത്തെത്തിക്കാൻ ഖത്തർ നൽകിയ സഹായങ്ങൾക്ക് ബോറിസ് ജോൺസൺ നന്ദി രേഖപ്പെടുത്തി.
