June 17, 2021
June 17, 2021
ദോഹ: ഖത്തര്‍ മന്ത്രി സഭയിൽ ഭേദഗതി വരുത്തി അമീർ ശൈഖ് തമീം ബിൻ ഹമദ് അൽതാനി ഉത്തരവിട്ടു. പുതിയ നീതിന്യായ മന്ത്രിയായി മസൂദ് ബിന്‍ മുഹമ്മദ് അല്‍ അമീറിയെ നിയമിച്ചതായി ഉത്തരവില്‍ പറയുന്നു. ഖത്തര്‍ വാര്‍ത്ത ഏജന്‍സിയാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്. ഇന്നു രാവിലെ നടന്ന സത്യപ്രതിജ്ഞാ ചടങ്ങില്‍ ഉപ അമീര്‍ ശൈഖ് അബ്ദുല്ല ബിന്‍ ഹമദ് അല്‍താനി, പ്രധാനമന്ത്രി ശൈഖ് ഖാലിദ് ബിന്‍ ഖലീഫ അല്‍താനി എന്നിവരും പങ്കെടുത്തു.
പരിസ്ഥിതി മന്ത്രി അബ്ദുല്ല ബിന്‍ അബ്ദുല്‍ അസീസ് ബിന്‍ തുര്‍ക്കി അല്‍ സുബൈക്ക് കാബിനറ്റ് മന്ത്രിയുടെ അധിക ചുമതല നല്‍കിയിട്ടുണ്ട്. ഉത്തരവ് പുറത്തിറങ്ങിയ നാള്‍ മുതല്‍ ഈ തീരുമാനം ഔദ്യോഗികമാവും. അതേ സമയം, ഡോ. ഇസ്സ ബിന്‍ സഅദ് അല്‍ ജഫാലി അല്‍ നുഐമിയെ പുതിയ അറ്റോണി ജനറലായി നിയമിച്ചു. ഗസറ്റില്‍ പ്രസിദ്ധീകരിക്കുന്ന തിയ്യതി മുതല്‍ പുതിയ ഉത്തരവ് നടപ്പില്‍ വരും.
