September 06, 2021
September 06, 2021
ദോഹ : ഖത്തറിലെ ഏറ്റവും പ്രൗഢിയാർന്ന ഫുട്ബോൾ ടൂർണമെന്റുകളിൽ ഒന്നായ അമീർ കപ്പിന്റെ ഫൈനൽ മത്സരം ലോകകപ്പ് വേദിയായ അൽ തുമാമയിൽ നടക്കും. ഒക്ടോബർ 22 ന് നടക്കുന്ന മത്സരത്തിൽ അൽ സദ് എഫ്സിയും അൽ റയ്യാൻ എഫ്സിയും ഏറ്റുമുട്ടും. ടിക്കറ്റ് വില്പനയുടെ വിശാദംദംശങ്ങൾ വൈകാതെ പുറത്തുവിടുമെന്ന് അധികൃതർ അറിയിച്ചു.
ലോകകപ്പിനായി ഖത്തർ തയ്യാറാക്കിയ പുതിയ മൈതാനങ്ങളിൽ ആറാമത്തേതാണ് അൽ തുമാമ. ഖലീഫ ഇന്റർനാഷണൽ, അൽ ജനൗബ്, എജുക്കേഷൻ സിറ്റി, അഹ്മദ് ബിൻ അലി സ്റ്റേഡിയം, അൽ ബൈത്ത് സ്റ്റേഡിയം എന്നിവയാണ് കാണികൾക്കായി തുറന്നുകൊടുത്ത മറ്റ് പുതിയ മൈതാനങ്ങൾ. വിഖ്യാത ഖത്തറി എഞ്ചിനീയർ ഇബ്രാഹിം എം ജെയ്ദ രൂപകൽപന ചെയ്ത അൽ തുമാമ സ്റ്റേഡിയത്തിന് നാല്പതിനായിരം കാണികളെ ഉൾക്കൊള്ളാനുള്ള ശേഷിയുണ്ട്. ലോകകപ്പ് മത്സരങ്ങൾ കൂടാതെ ഇക്കൊല്ലം നടക്കുന്ന ഫിഫ അറബ് കപ്പ് ടൂർണമെന്റിനും അൽ തുമാമ വേദിയാകും.
