March 07, 2022
March 07, 2022
ദോഹ : അമേരിക്കൻ കമ്പനിയായ 'ആബോട്ടി'ന്റെ ഉത്പന്നങ്ങൾക്ക് ഖത്തറിൽ വീണ്ടും വില്പനാനുമതി. ഹാനികരമായ അളവിൽ ബാക്ടീരിയകളുടെ സാന്നിധ്യമുണ്ടെന്ന സംശയത്താൽ, കഴിഞ്ഞ ഫെബ്രുവരി 23 നാണ് ആരോഗ്യമന്ത്രാലയം ആബോട്ടിന്റെ മൂന്ന് ഉത്പന്നങ്ങൾക്ക് വിലക്ക് ഏർപ്പെടുത്തിയത്. അന്താരാഷ്ട്ര ഭക്ഷ്യ സുരക്ഷാ സംഘടനയായ 'ഇൻഫോസാനി'ന്റെ നിർദ്ദേശത്തെ തുടർന്നായിരുന്നു നടപടി.
ആരോഗ്യമന്ത്രാലയം ലാബുകളുടെ സഹായമുപയോഗിച്ച് നടത്തിയ വിശദമായ പരിശോധനയിൽ, ഈ ഉത്പന്നങ്ങൾ സുരക്ഷിതമാണെന്ന് കണ്ടെത്തുകയായിരുന്നു. പിന്നാലെയാണ് നിരോധനം നീക്കിയത്. ഇതോടെ, ആബോട്ടിന്റെ 'സിമിലാക് ഹ്യൂമൻ മിൽക്ക് ഫോർട്ടിഫയർ', 'ഇലെകെയർ', 'ഇലെകെയർ ജൂനിയർ' എന്നീ ഉത്പന്നങ്ങൾ ഖത്തർ വിപണിയിൽ തിരികെയെത്തും.