July 13, 2023
July 13, 2023
ന്യൂസ്റൂം ബ്യുറോ
ദോഹ :മുൻ ഖത്തർ പ്രവാസിയും സാമൂഹിക പ്രവർത്തകനുമായ വില്യാപ്പള്ളി മൂന്നുമുറിപ്പീടികയിൽ സുബൈർ ഹാജി(75) നാട്ടിൽ നിര്യാതനായി.ദീർഘകാലം.ഖത്തര് വില്ല്യാപ്പള്ളി മുസ്ലിം ജമാഅത്ത് പ്രസിഡണ്ടായി പ്രവർത്തിച്ചിട്ടുണ്ട്.രണ്ടു വ്യാഴവട്ടക്കാലം ഖത്തറില് സാമൂഹ്യ രംഗത്ത് സജീവമായിരുന്ന അദ്ദേഹം.ഖത്തര് ഇന്ത്യന് ഇസ്ലാഹി സെന്ററിന്റെ സജീവ പ്രവര്ത്തകന് കൂടിയായിരുന്നു.
ഖത്തര് ഇലക്ട്രിസിറ്റി ഡിപ്പാര്ട്ട്മെന്റില്(കഹ്റാമ) ഉദ്യോഗസ്ഥനായി പ്രവര്ത്തിച്ചതിന് ശേഷം 2004ലാണ് ഖത്തറില് നിന്നും നാട്ടിലേക്ക് മടങ്ങിയത്. നിലവില് കെ എന് എം വില്ല്യാപ്പള്ളി യൂണിറ്റ് പ്രസിഡന്റും എം ഇ എസ് കോളജ് വടകര മാനേജിംഗ് കമ്മിറ്റി അംഗവുമാണ്.
സുബൈര് ഹാജിയുടെ നിര്യാണത്തില് വില്ല്യാപ്പള്ളി മുസ്ലിം ജമാഅത്ത് ഖത്തര് കമ്മിറ്റി അഗാധമായ ദുഃഖവും അനുശോചനവും അറിയിച്ചു. അനാഥ- അഗതി സംരക്ഷണത്തില് സുബൈര് ഹാജിയുടെ സേവനങ്ങള് മഹത്തരമായിരുന്നുവെന്ന് വില്ല്യാപ്പള്ളി മുസ്ലിം ജമാഅത്ത് കമ്മിറ്റി പ്രസ്താവനയില് അറിയിച്ചു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH