Breaking News
മലയാളി ദമ്പതികളുടെ എട്ടു മാസം പ്രായമായ കുഞ്ഞ് ദോഹയിൽ അന്തരിച്ചു  | അബുദാബിയിൽ ട്രാഫിക് നിയമലംഘനങ്ങളിൽ നിബന്ധനയോടെ 35 ശതമാനം ഇളവ് അനുവദിക്കും | ഖത്തറിൽ ചൊവ്വാഴ്‌ച മുതൽ മഴയ്ക്ക് സാധ്യത  | ഖത്തര്‍ എല്‍.എന്‍.ജിയുടെ ഉത്പാദനശേഷി 85 ശതമാനം വര്‍ധിപ്പിക്കാന്‍ പുതിയ പദ്ധതികള്‍ | സംസഥാനത്ത് സൂര്യാഘാതമേറ്റ് വീണ്ടും മരണം  | പ്രോസ്റ്റേറ്റ് ക്യാൻസർ ചികിത്സിക്കാൻ ആദ്യമായി ന്യൂക്ലിയർ മെഡിസിൻ ഉപയോഗിച്ച് ഖത്തർ എച്ച്എംസി | സൗദിയിലെ ജീസാനിൽ കുറഞ്ഞ നിരക്കിലുള്ള ബസ് സർവീസ് ആരംഭിച്ചു  | ഖത്തറിൽ ഇന്നത്തെ ജോലി ഒഴിവുകൾ; ഉടൻ അപേക്ഷിക്കാം  | സംസ്ഥാനത്ത് ആദ്യമായി ഉഷ്‌ണതരംഗം പ്രഖ്യാപിച്ചു, പാലക്കാട് ഒരു മരണം  | യുഎഇയില്‍ മെയ് 2ന് കനത്ത മഴയ്ക്കും ഇടിമിന്നലിനും സാധ്യത |
ഹ്രസ്വസന്ദര്ശനത്തിനായി വരുന്ന പ്രവാസികൾക്ക് കൊറന്റൈൻ വേണ്ടെന്ന് മന്ത്രി വീണാ ജോർജ്,പരിഹാസവുമായി പ്രവാസി സമൂഹം

February 01, 2022

February 01, 2022

അൻവർ പാലേരി   
തിരുവനന്തപുരം: ഹ്രസ്വ സന്ദര്‍ശനത്തിനെത്തുന്ന പ്രവാസികള്‍ക്ക് ക്വാറന്‍റീന്‍ ഒഴിവാക്കിക്കൊണ്ടുള്ള ആരോഗ്യമന്ത്രി വീണാജോര്ജിന്റെ പ്രഖ്യാപനം വന്നതിന് പിന്നാലെ സമൂഹമാധ്യമങ്ങളിൽ ട്രോളുകളും പരിഹാസരൂപേണയുള്ള വിമർശനങ്ങളും വ്യാപകമാവുന്നു.പ്രധാനമായും ഗൾഫ്‌മലയാളികളാണ് മന്ത്രിയുടെ പ്രഖ്യാപനത്തെ ബുദ്ധിശൂന്യമായ തീരുമാനമായി വിലയിരുത്തുന്നത്.കേരളത്തിലെത്തുന്ന പ്രവാസികളെ ബുദ്ധിമുട്ടിക്കാൻ മാത്രം ലക്ഷ്യമാക്കിയുള്ള കൊറന്റൈൻ വ്യവസ്ഥ ഹ്രസ്വകാലത്തെ അവധിക്കെത്തുന്നവർക്ക് ബാധകമാക്കാത്തത് സമ്പന്നരായ പ്രവാസി വ്യവസായികളെ മാത്രം ഉദ്ദേശിച്ചാണെന്നാണ് പൊതുവെ ഉയരുന്ന ആക്ഷേപം.ഇപ്പോൾ  യു.എ.ഇയിലുള്ള മുഖ്യമന്ത്രി പിണറായി വിജയൻ തിരിച്ചു വരുന്നത് പ്രമാണിച്ചാണ് ഭേദഗതിയെന്നും ചിലർ പരിഹസിക്കുന്നു.വിദേശരാജ്യങ്ങളിൽ നിന്നും കേരളത്തിലെത്തുന്ന പ്രവാസികൾ കേരളത്തിൽ എത്തിയ ശേഷം നടത്തുന്ന കോവിഡ് പരിശോധനയിൽ നെഗറ്റിവ് ആയാലും പോസറ്റിവ് ആയാലും ഏഴു ദിവസം നിർബന്ധിത കൊറന്റൈൻ പാലിക്കണമെന്നാണ് നിലവിലുള്ള നിബന്ധന.ഇതിനെതിരെ പ്രവാസി മലയാളികൾക്കിടയിൽ നിന്ന് കടുത്ത പ്രതിഷേധം ഉയർന്നിരുന്നു.

ഏഴ് ദിവസത്തില്‍ താഴെയുള്ള ആവശ്യങ്ങള്‍ക്കായി വരുന്ന പ്രവാസികള്‍ക്ക് ക്വാറന്‍റീന്‍ വേണ്ടെന്നാണ്  ആരോഗ്യമന്ത്രി വീണ ജോര്‍ജ് ഇന്ന് അറിയിച്ചത്. ഏഴ് ദിവസം ക്വാറന്റീൻ കഴിഞ്ഞവർക്ക് ആന്റിജൻ പരിശോധന മതിയാവും. സംസ്ഥാനത്ത് കൊവിഡ് വ്യാപനം കുറഞ്ഞതായും മന്ത്രി പറഞ്ഞു.

ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക

 


Latest Related News