November 02, 2022
November 02, 2022
ന്യൂസ്‌റൂം ബ്യുറോ
ദോഹ : ലോകത്തെ ഏറ്റവും ദൈഘ്യം കൂടിയ ശീതീകരിച്ച നടപ്പാതയുള്ള പാർക്ക് എന്ന ഗിന്നസ് റെക്കോർഡോടെ ദോഹയിലെ ഉം അൽ സനീം പാർക്ക് സന്ദർശകർക്കായി തുറന്നു.വ്യായാമത്തിനായി 1143 മീറ്റർ ദൈർഘ്യമുള്ള ശീതീകരിച്ച നടപ്പാതയും മറ്റു സൗകര്യങ്ങളുമുള്ള പാർക്ക് ചൊവ്വാഴ്ചയാണ് മുനിസിപ്പൽ മന്ത്രാലയം സന്ദർശകർക്കായി തുറന്നത്.
രാജ്യത്തെ റോഡുകളും പൊതു സ്ഥലങ്ങളും നിർമിക്കുകയും മനോഹരമാക്കുന്നതിനുള്ള മേൽനോട്ട ചുമതലയുമുള്ള പൊതുമരാമത്ത് വിഭാഗം അശ്ഗാൽ ഈയിടെ സംഘടിപ്പിച്ചവൃക്ഷത്തൈ നടൽ പരിപാടിയിൽ ഗിന്നസ് വേൾഡ് റെക്കോർഡ്സ് ഔദ്യോഗിക പ്രതിനിധി പ്രവീൺ പട്ടേൽ ആണ് റെക്കോർഡ് നേട്ടം പ്രഖ്യാപിച്ചത്.അഷ്‌ഗാൽ മേധാവികൾ സർട്ടിഫിക്കറ്റ് ഏറ്റുവാങ്ങി.
حققت هيئة الأشغال العامة #أشغال ممثلة في لجنة الإشراف على تجميل الطرق والأماكن بالدولة لقب #غينيس_للأرقام_القياسية لأطول مسار مكيف للمشي والجري في حديقة أم السنيم والذي يبلغ طوله 1.143 متر(3.750 قدم)، حيث يعد خامس لقب تحصل عليه المشروعات التي تقوم أشغال بتنفيذها.@albaladiya @GWR pic.twitter.com/z4XRjboTTY
— هيئة الأشغال العامة (@AshghalQatar) November 1, 2022
88,400 ചതുരശ്ര മീറ്റർ ഹരിത ഇടങ്ങൾ, 912 മരങ്ങൾ, 1,135 മീറ്റർ സൈക്ലിംഗ് പാത, ഫിറ്റ്നസ് ഉപകരണങ്ങൾ ഉൾപെടെയുള്ള മൂന്ന് പൊതു വ്യായാമ സ്ഥലങ്ങൾകുട്ടികൾക്കുള്ള രണ്ട് കളിസ്ഥലങ്ങൾ,ഭിന്നശേഷിക്കാരായ കുട്ടികൾക്കായി പ്രത്യേകം തയാറാക്കിയ ഗെയിമുകൾ7 ഫുഡ് കിയോസ്‌കുകൾ,40 സൈക്കിൾ പാർക്കിങ് കേന്ദ്രങ്ങൾ തുടങ്ങിയ അത്യാധുനിക സൗകര്യങ്ങളും പാർക്കിൽ സജ്ജീകരിച്ചിട്ടുണ്ട്.
അൽ റയ്യാൻ മുനിസിപ്പാലിറ്റിയിലാണ് ഉം അൽ സനീം പാർക്ക് സ്ഥിതി ചെയ്യുന്നത്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
