May 07, 2024
May 07, 2024
ദോഹ: ഖത്തറിൽ എണ്ണ, വാതക മേഖലയിൽ അനധികൃതമായി പ്രവേശിച്ചാൽ കനത്ത പിഴയും ജയിൽ ശിക്ഷയും ഉണ്ടാകുമെന്ന് അധികൃതർ മുന്നറിയിപ്പ് നൽകി. ഓഫ്‌ഷോർ ഓയിൽ, ഗ്യാസ് ഫെസിലിറ്റി എന്നിവയുടെ സംരക്ഷണം സംബന്ധിച്ച 2004 ലെ നമ്പർ (8)ലെ ആർട്ടിക്കിൾ നമ്പർ 2, 3, 4 എന്നീ നിയമം അനുസരിച്ചാണ് നടപടിയുണ്ടാവുക. നിയമലംഘകർക്ക് 500,000 റിയാൽ വരെ പിഴയും 20 വർഷം വരെ തടവും ലഭിക്കുമെന്ന് റാസ് ലഫാൻ സെക്യൂരിറ്റി ഓപ്പറേഷൻസ് ആൻഡ് മറൈൻ ഓപ്പറേഷൻസ് അസിസ്റ്റൻ്റ് ഡയറക്ടർ ക്യാപ്റ്റൻ ജാസിം അബ്ദുല്ല അൽ താനി പറഞ്ഞു. ഖത്തർ ടിവിക്ക് നൽകിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
- അനുമതിയില്ലാതെ ഓയിൽ മറൈൻ മേഖയിലെ 500 മീറ്റർ അകലത്തിൽ പ്രവേശിക്കുക
- മറൈൻ മേഖലയിൽ നിന്ന് 500 മീറ്ററിൽ താഴെ അകലത്തിൽ മത്സ്യബന്ധനം നടത്തുക.
- ഓഫ്‌ഷോർ ഓയിൽ പ്ലാറ്റ്‌ഫോമുകളിൽ നിന്ന് 500 മീറ്ററിൽ താഴെ ബോധപൂർവമോ അല്ലാതെയോ ഏതെങ്കിലും അട്ടിമറി പ്രവർത്തനങ്ങൾ നടത്തുക.
- എണ്ണ, വാതക പ്രവർത്തനങ്ങൾക്കായി നങ്കൂരമിടുക.
ഏതെങ്കിലും ആവശ്യത്തിനായി 500 മീറ്ററിൽ താഴെയുള്ള സ്ഥലങ്ങളിൽ നിയമലംഘനങ്ങൾ നടത്തിയാൽ 100,000 റിയാൽ പിഴയും കൂടാതെ 3 വർഷം വരെ തടവും അല്ലെങ്കിൽ രണ്ട് ശിക്ഷകളിൽ ഒന്നും അനുഭവിക്കേണ്ടിവരും. മനഃപൂർവമല്ലാത്ത ഏതെങ്കിലും അട്ടിമറി പ്രവൃത്തികൾ നടത്തിയാൽ, ലംഘനത്തിന് 200,000 ഖത്തർ റിയാലും 3 വർഷം വരെ തടവും ലഭിക്കും. ബോധപൂർവമായ അട്ടിമറി പ്രവർത്തനങ്ങൾക്ക് 20 വർഷം വരെ തടവും 500,000 റിയാൽ വരെ പിഴയും ശിക്ഷയായി ലഭിക്കുമെന്നും അദ്ദേഹം വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
