March 13, 2023
March 13, 2023
ദോഹ: 2026ല്‍ ഇന്റര്‍നാഷണല്‍ മോണിറ്ററി ഫണ്ടിന്റെയും(ഐഎംഎഫ്) ലോകബാങ്കിന്റെയും വാര്‍ഷിക സമ്മേളനങ്ങള്‍ സംഘടിപ്പിക്കാനുള്ള ശ്രമത്തില്‍ നിന്ന് യൂണൈറ്റഡ് അറബ് എമിറേറ്റിസ് പിന്‍വാങ്ങി. ഖത്തര്‍ ന്യൂസ് ഏജന്‍സി(ക്യുഎന്‍എ)യാണ് ഇക്കാര്യം റിപ്പോര്‍ട്ട് ചെയ്തത്. ഖത്തറിന് ഐ.എം.എഫ്, ലോകബാങ്ക് സമ്മേളനങ്ങളുടെ ആതിഥേയത്വം വഹിക്കാനുള്ള താല്പര്യം പരിഗണിച്ച് തങ്ങള്‍ പിന്മാറാമെന്ന് യു.എ.ഇ. പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് ഖത്തര്‍ അമീര്‍ ശെയ്ഖ് തമീം ബിന്‍ ഹമദ് അല്‍ താനിമായി കഴിഞ്ഞ ദിവസം നടത്തിയ ടെലിഫോണ്‍ സംഭാഷണത്തിനിടെ അറിയിച്ചിരുന്നു.
ഇന്റര്‍നാഷണല്‍ മോണിറ്ററി ഫണ്ടിന്റെയും, ലോകബാങ്കിന്റെയും മീറ്റുംഗുകള്‍ക്ക് ആതിഥേയത്വം വഹിക്കുന്ന ഖത്തറിന് യുഎഇ എല്ലാവിധ ആശംസകളും അറിയിച്ചതായി ക്യുഎന്‍എ റിപ്പോര്‍ട്ട് ചെയ്തു. അല്‍ ഉല കരാറിനും ഫിഫ ലോകകപ്പിനുശേഷം ഖത്തറും യു.എ.ഇയും തമ്മിലുള്ള അടുപ്പം കൂടുതല്‍ ശക്തമാകുന്നു എന്നതിന്റെ തെളിവാണിത്.
