July 14, 2022
July 14, 2022
കൊച്ചി: കാനഡയിലെ ആല്ബര്ട്ടയിലുണ്ടായ ബോട്ടപകടത്തിൽ മൂന്ന് മലയാളി യുവാക്കൾ മുങ്ങിമരിച്ചു. മലയാറ്റൂര് നീലീശ്വരം വെസ്റ്റ്, നടുവട്ടം സ്വദേശി കോനുക്കുടി ജിയോ പൈലി (33), കളമശേരി സ്വദേശി കെവിന് ഷാജി (21), ചാലക്കുടി ആതിരപ്പിള്ളി മാവേലില് ലിയോ മാവേലി (41) എന്നിവരാണ് മരിച്ചത്.
കാനഡയിലെ ബാന്ഫ് നാഷണല് പാര്ക്കിലുള്ള കാന്മോര് സ്പ്രേ തടാകത്തിലാണ് അപകടമുണ്ടായത്.ഇവര്ക്കൊപ്പമുണ്ടായിരുന്ന ഒരാള് രക്ഷപ്പെട്ടു. തൃശൂര് സ്വദേശി ജിയോ ജോഷിയാണ് രക്ഷപ്പെട്ടത്. അദ്ദേഹം ആശുപത്രിയില് ചികിത്സയിലാണ്. അവധി ആഘോഷിക്കാനായി പോയ സംഘമാണ് അപകടത്തില്പെട്ടത്. ഞായറാഴ്ച രാവിലെ പ്രാദേശിക സമയം 10.30നായിരുന്നു അപകടം. സംഘത്തിലുണ്ടായിരുന്ന ജിയോയുടെ ബോട്ടിലാണ് ഇവര് യാത്ര ചെയ്തിരുന്നത്. എന്നാല് തടാകത്തില്വെച്ച് ബോട്ട് മറിയുകയായിരുന്നു. കടുത്ത തണുപ്പായിരുന്നതിനാല് ഇവര്ക്ക് രക്ഷപ്പെടാന് സാധിച്ചില്ലെന്നാണ് റിപ്പോര്ട്ടുകള്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക