September 15, 2022
September 15, 2022
ദോഹ :രാജ്യത്ത് തുറസ്സായ സ്ഥലങ്ങളിൽ ജോലി ചെയ്യുന്നവർക്കുള്ള വേനൽക്കാല സമയ നിയന്ത്രണം അവസാനിച്ചതായി തൊഴിൽ മന്ത്രാലയം അറിയിച്ചു.സമൂഹമധ്യ അക്കൗണ്ട് വഴിയാണ് മന്ത്രാലയം ഇക്കാര്യം അറിയിച്ചത്.
കടുത്ത വേനൽചൂട് കണക്കിലെടുത്ത് ജൂൺ 1 മുതൽ സെപ്തംബർ 15 വരെ തുറസ്സായ സ്ഥലങ്ങളിൽ പുറംജോലികൾ ചെയ്യുന്ന തൊഴിലാളികളെ രാവിലെ 10 മുതൽ ഉച്ചക്ക് 3.30 വരെ ജോലി ചെയ്യാൻ അനുവദിച്ചിരുന്നില്ല.ശരിയായ വെന്റിലേഷൻ സൗകര്യം ഇല്ലാത്തതും ആവശ്യത്തിന് തണൽ ലഭിക്കാത്തതുമായ സ്ഥലങ്ങളിലും ഈ സമയങ്ങളിൽ ജോലി ചെയ്യുന്നതിന് നിയന്ത്രമുണ്ടായിരുന്നു.നിയമം ലംഘിക്കുന്ന തൊഴിലുടമകൾ കർശന ശിക്ഷാനടപടികൾ നേരിടേണ്ടിവരുമെന്നും മന്ത്രാലയം മുന്നറിയിപ്പ് നൽകിയിരുന്നു.ഈ നിയന്ത്രണമാണ് ഇന്നവസാനിക്കുന്നത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക