July 15, 2023
July 15, 2023
ന്യൂസ്‌റൂം ബ്യുറോ
ദോഹ :വേനലവധിക്കാലം കുട്ടികളുടെ മാനസികവും ശാരീരികവുമായ പരിപോഷണത്തിന് ഉപയോഗിക്കാൻ ലക്ഷ്യമാക്കി ആസ്പയർ സോൺ കുട്ടികൾക്കായി സമ്മർ ക്യാമ്പ് ഒരുക്കുന്നു. ജൂലൈ 30 മുതൽ ഓഗസ്റ്റ് 10 വരെ ആസ്പയർ സോണിൽ നടക്കുന്ന സമ്മർ ക്യാമ്പിൽ വൈവിധ്യമാർന്ന കായിക വിനോദ പരിപാടികളും വിവിധ ഗെയിമുകളും കുട്ടികൾക്കായി ഒരുക്കിയിട്ടുണ്ട്.
വേനൽക്കാല അവധിക്കാലം രാജ്യത്ത് ചെലവഴിക്കുന്ന കുട്ടികൾക്ക് അനുയോജ്യമായ വിധത്തിലാണ് വിവിധ പരിപാടികൾ ഒരുക്കിയിരിക്കുന്നത്.കുട്ടികൾക്ക് ഇണങ്ങുന്ന തരത്തിലുള്ള സാഹസിക പരിപാടികൾക്ക് പുറമെ,ബാസ്‌ക്കറ്റ്‌ബോൾ, വോളിബോൾ, ഫുട്‌സൽ, വിനോദ ഗെയിമുകൾ തുടങ്ങിയ കായിക വിനോദ പരിപാടികളും ക്യാമ്പിന്റെ പ്രത്യേകതയായിരിക്കും.
ഫിറ്റ്നസ് സെഷനുകൾ, സുംബ ക്ലാസുകൾ, ആവേശകരമായ ഫീൽഡ് ട്രിപ്പുകൾ എന്നിവയും പരിപാടിയിൽ ഉൾപെടുത്തിയതായി സംഘാടകർ അറിയിച്ചു..ആവേശകരമായ ശാരീരിക പ്രവർത്തനങ്ങൾക്ക് പുറമേ, കലയും കരകൗശലവും പോലുള്ള വിദ്യാഭ്യാസ കോഴ്‌സുകളും ലഭ്യമാകും,
ഞായർ മുതൽ വ്യാഴം വരെയുള്ള എല്ലാ ദിവസങ്ങളിലും രാവിലെ 8 മണിക്ക് ആരംഭിച്ച് ഉച്ചയ്ക്ക് 1 മണിക്ക് സമാപിക്കും. ആസ്പയർ സോൺ ലേഡീസ് സ്‌പോർട്‌സ് ഹാളിലായിരിക്കും ക്യാമ്പ് നടക്കുക.
6 മുതൽ 9 വയസ്സുവരെയുള്ള ആൺകുട്ടികൾക്കും 6 മുതൽ 14 വയസ്സുവരെയുള്ള പെൺകുട്ടികൾക്കും സമ്മർ ക്യാമ്പിൽ പങ്കെടുക്കാം.താൽപര്യമുള്ള കുട്ടികളുടെ രക്ഷിതാക്കൾക്ക് ആസ്പയർ സോൺ വെബ്സൈറ്റ് വഴി രജിസ്റ്റർ ചെയ്യാം.1000 റിയാലാണ് ഫീസ്. രജിസ്റ്റർ ചെയ്യാനുള്ള ലിങ്ക് >https://www.aspirezone.qa/single-event.aspx?id=10253&lang=en
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH
