March 12, 2023
March 12, 2023
ന്യൂസ്റൂം ബ്യുറോ
കൊച്ചി :ബ്രഹ്മപുരം മാലിന്യ പ്ലാന്റിൽ തീയും പുകയും പടർന്ന സാഹചര്യത്തിൽ കൊച്ചിയിൽ ഇന്ന് മുതൽ ആരോഗ്യ സർവേ ആരംഭിക്കും. പ്ലാന്റിന് നിന്നുള്ള തീയും പുകയും നിയന്ത്രണ വിധേയമാക്കുന്നതിനുള്ള നടപടികൾ പുരോഗമിക്കുകയാണ്.
ഇതിനിടെ,മാലിന്യ സംസ്കരണത്തിന് വർഷങ്ങൾക്ക് മുമ്പ് തന്നെ നിരവധി ശാസ്ത്രീയമായ പദ്ധതികൾ സമർപ്പിച്ചിട്ടും കൊച്ചി കോർപറേഷന്റെ അഴിമതി കാരണം നടക്കാതെ പോവുകയായിരുന്നു.ഇതേ വിമർശനം തന്നെയാണ് നടനും സംവിധായകനുമായ ശ്രീനിവാസനും ഇപ്പോൾ ചൂണ്ടിക്കാണിക്കുന്നത്.മാലിന്യം ശേഖരിച്ച് ശാസ്ത്രീയമായി സംസ്കരിക്കുന്നതിനുള്ള പദ്ധതി വർഷങ്ങൾക്ക് മുമ്പ് കൊച്ചി കോർപറേഷന് സമർപ്പിച്ച വ്യവസായിയും ചലച്ചിത്ര നിർമാതാവുമായ ഗുഡ്നൈറ്റ് മോഹന്റെ അനുഭവം ഓര്മിപ്പിച്ചുകൊണ്ടാണ് അദ്ദേഹം ഇക്കാര്യം പറഞ്ഞത്.'മനോരമ ഓൺലൈനു'മായി സംസാരിക്കുന്നതിനിടെയായിരുന്നു അദ്ദേഹത്തിന്റെ പ്രതികരണം.
വിദേശത്തുനിന്നു മെഷിനറി ഇറക്കുമതി ചെയ്ത് ചെലവ് നടത്തി മാലിന്യ സംസ്കരിക്കാമെന്നും അതിന്റെ ബൈപ്രോഡക്ട് മാത്രം തന്നാൽ മതിയെന്നുമായിരുന്നു ഗുഡ്നൈറ്റ് മോഹന്റെ നിർദേശം. എന്നാൽ പത്തു ലോറി മാലിന്യം ബ്രഹ്മപുരത്തേക്ക് അയച്ച് നൂറു ലോറിയാക്കി കാണിച്ച് പണം തട്ടേണ്ടതിനാൽ നഗരസഭ ഇത് അംഗീകരിച്ചില്ലെന്നും ശ്രീനിവാസൻ ആരോപിച്ചു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/LiM4EdDAtkTAmYRCb0LMz9