February 14, 2023
February 14, 2023
ന്യൂസ്‌റൂം ബ്യുറോ
ദോഹ- ഫോർബ്‌സ് മിഡിൽ ഈസ്റ്റിന്റെ 2023 ലെ ഏറ്റവും ശക്തരായ 100 ബിസിനസ് വനിതകളുടെ പട്ടികയിൽ ഖത്തറിൽ നിന്നുള്ള ആറ് വനിതകൾ ഇടം പിടിച്ചു.ആരോഗ്യമന്ത്രിയും ഹമദ് മെഡിക്കൽ കോർപറേഷൻ മാനേജിംഗ് ഡയറക്ടറുമായ ഡോ. ഹനാൻ മുഹമ്മദ് അൽകുവാരി പട്ടികയിൽ എട്ടാം സ്ഥാനത്താണ്.
27 രാജ്യങ്ങളിലെ 27 വ്യത്യസ്‌ത മേഖലകളിൽ മുൻ നിരയിൽ പ്രവർത്തിക്കുന്ന വനിതകളെ ഉൾപ്പെടുത്തിയാണ് ഫോബ്‌സ് മിഡിൽ ഈസ്റ്റ് മേഖലയിലെ ഏറ്റവും ശക്തരായ 100 ബിസിനസ്സ് വനിതകളുടെ പട്ടിക പുറത്തിറക്കിയത്.
ഉരീദു ഒമാൻ സി.ഇ.ഒ നൂർ അൽസുലൈത്തി (31), ക്യുഎൻബി ക്യാപ്റ്റലിന്റെ സിഇഒ മിറ അൽഅത്തിയ (49), ഖത്തർ ഫിനാൻഷ്യൽ സെന്റർ (ക്യുഎഫ്‌സി) അതോറിറ്റി ഡെപ്യൂട്ടി സിഇഒയും ചീഫ് ബിസിനസ് ഓഫീസറുമായ ശൈഖ അലനൂദ് ബിൻത് ഹമദ് അൽതാനി (61), അൽ ഫാലിഹ് എജ്യുക്കേഷണൽ ഹോൾഡിംഗ് സ്ഥാപകയും ചെയർപേഴ്‌സണുമായ ശൈഖ ഐഷ ബിൻത് ഫാലഹ് അൽതാനി (71), അംവാലിന്റെ സ്ഥാപകയും ചെയർപേഴ്‌സണും അൽ വാബ് സിറ്റി റിയൽ എസ്‌റ്റേറ്റ് സ്ഥാപകയും സിഇഒയും ഇൻജാസ് ഖത്തറിന്റെ സ്ഥാപക ചെയർ പേഴ്‌സണുമായ ശൈഖ ഹന്നാദി ബിൻത് നാസർ അൽ ഥാനി (82) എന്നിവരാണ് പട്ടികയിൽ ഇടംപിടിച്ച മറ്റു ഖത്തരി വനിതകൾ.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
