August 30, 2022
August 30, 2022
ദോഹ: ഖത്തറിൽ കഴിഞ്ഞ ഏതാനും വർഷങ്ങളായി തുടരുന്ന റോഡ് നിർമാണപ്രവർത്തനങ്ങളും ഇതേത്തുടർന്നുണ്ടാകുന്ന ഗതാഗത തടസ്സങ്ങളും വാഹനയാത്രികർക്ക് പുറമെ ചെറുകിട കച്ചവടക്കാർക്കും വലിയ ബുദ്ധിമുട്ടുകളാണ് ഉണ്ടാക്കുന്നത്.എന്നാൽ ഈ പ്രശ്നത്തിന് ഉടൻ പരിഹാരമാകുമെന്ന അറിയിപ്പാണ് ഇപ്പോൾ ഗതാഗത വകുപ്പ് നൽകുന്നത്. വർഷങ്ങളായി വാഹന യാത്രക്കാരെ വിഷമത്തിലാക്കുന്ന റോഡ് നിർമാണ പ്രവർത്തനങ്ങളും വഴിയടക്കലും ട്രാഫിക് വഴിതിരിച്ചുവിടലും ഉടൻ അവസാനിക്കുമെന്നും റോഡുകൾ പൂർണമായും തുറന്നുകൊടുക്കുമെന്നും ട്രാഫിക് ഡിപ്പാർട്ടുമെന്റിലെ ഒരു മുതിർന്ന ഉദ്യോഗസ്ഥൻ പറഞ്ഞു.
ട്രാഫിക് ബോധവൽക്കരണ വിഭാഗം തലവൻ ബ്രിഗേഡിയർ ഡോ: മുഹമ്മദ് റാദി അൽ ഹജ്‌രി ഖത്തർ റേഡിയോയുമായുള്ള ഒരു അഭിമുഖത്തിലാണ് ഇക്കാര്യം അറിയിച്ചത്. ഇപ്പോഴുള്ള നിർമാണ പ്രവർത്തനങ്ങളും വഴിതിരിച്ചു വിടലും താൽക്കാലികം മാത്രമാണെന്നും ഇത് ഉടൻ അവസാനിക്കുമെന്നും അദ്ദേഹം പറഞ്ഞു.
കൂടുതൽ അപകടങ്ങൾ നടക്കുന്ന സ്ഥലങ്ങൾ തിരിച്ചറിഞ്ഞ് അഷ്‌ഗാലുമായി സഹകരിച്ചു അപകടങ്ങൾ കുറക്കാൻ ആവശ്യമായ നടപടികൾ സ്വീകരിക്കുന്നുണ്ടെന്നും അദ്ദേഹം കൂട്ടിച്ചേർത്തു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക
