January 20, 2021
January 20, 2021
ദോഹ : ഉപരോധം അവസാനിച്ചെങ്കിലും ഖത്തർ പൗരന്മാരോട് വിവേചനപൂര്വം പെരുമാറുന്നത് ബഹ്റൈൻ തുടരുന്നതായി റിപ്പോർട്ട്. ഖത്തർ രാജകുടുംബത്തിന്റെ സ്വത്തുവകകൾ സർക്കാരിലേക്ക് കണ്ടുകെട്ടിയെന്ന വാർത്ത പുറത്തുവന്നതിന് പിന്നാലെ ഖത്തറി കുടുംബത്തിന് ബഹ്റൈനിൽ പ്രവേശിക്കാൻ ബഹ്‌റൈനി അധികൃതർ അനുമതി നിഷേധിച്ചു. കിംഗ് ഫഹദ് കോസ് വേ വഴി എത്തിയ കുടുംബത്തിനാണ് അനുമതി നിഷേധിച്ചത്.സംഭവം ഖത്തറി സമൂഹ മാധ്യമങ്ങളിൽ വലിയ ചർച്ചയായി.
മുൻകൂട്ടി വിസക്ക് വേണ്ടി അപേക്ഷിക്കാതിരുന്നത് കൊണ്ടാണ് പ്രവേശനാനുമതി നിഷേധിച്ചതെന്ന് ബഹ്‌റൈനി അധികൃതർ വ്യക്തമാക്കി. അതേസമയം ഗൾഫ് സമാധാന കരാറിന് ശേഷം ഗൾഫ് രാജ്യങ്ങൾ സന്ദർശിക്കാൻ പൗരന്മാർക്ക് വിസ ആവശ്യമില്ല.ഖത്തറികളെ ഔദ്യൊഗിക അതിർത്തികളിൽ വെച്ച് തടയുന്ന സമീപനം ബഹ്റൈൻ തുടരുകയാണെന്ന് ഒരു ഖത്തർ പൗരൻ ട്വീറ്റ് ചെയ്തു.
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.
