December 18, 2022
December 18, 2022
ന്യൂസ്‌റൂം ബ്യുറോ
ദോഹ :മലയാളിയും അറബ് സംഗീതലോകത്തെ അറിയപ്പെടുന്ന ഗായകനുമായ നാദിർ അബ്ദുൽ സലാമിന്റെ സംഗീത സംവിധാനത്തിൽ ഒരുക്കിയ പുതിയ ഖത്തർ ദേശഭക്തി ഗാനം ദേശീയ ദിനത്തിൽ ഖത്തർ ടെലിവിഷൻ പുറത്തിറക്കി.പ്രശസ്ത ഖത്തരി ഗായകൻ ഫഹദ് അൽ ഹജ്ജാജി പാടിയ ഗാനത്തിന്റെ സംഗീത സംവിധാനത്തോടൊപ്പം റെക്കോഡിങ്ങും, മിക്സിങ്ങും നിർവഹിച്ചത് നാദിർ അബ്ദുൽ സലാമാണ്.
നേരത്തെ നാദിർ അബ്ദുൽ സലാം സംഗീതം നൽകി ആലപിച്ച ഖത്തർ ലോകകപ്പ് അവതരണ ഗാനവും ഏറെ ശ്രദ്ധ നേടിയിരുന്നു.കോഴിക്കോട് കുറ്റ്യാടി സ്വദേശി അബ്ദുൽ സലാം ബൽക്കീസ് ദമ്പതികളുടെ മകനാണ് ഖത്തർ മ്യുസിക് അക്കാദമി മുൻ അംബാസിഡർ കൂടിയായ നാദിർ.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക
