June 24, 2023
June 24, 2023
ന്യൂസ്റൂം ബ്യുറോ
ദോഹ : വ്യാജക്കേസ് കെട്ടിച്ചമച്ച് കെപിസിസി അദ്ധ്യക്ഷൻ കെ സുധാകരനെ അറസ്റ്റ് ചെയ്ത നടപടിയിൽ ഖത്തർ ഒഐസിസി-ഇൻകാസ് ഖത്തർ സെൻട്രൽ കമ്മിറ്റി പ്രതിഷേധം രേഖപ്പെടുത്തി.
എതിർപ്പുകളേയും അഴിമതിയാരോപണങ്ങളേയും പിണറായി സർക്കാർ പോലീസ് രാജ് കൊണ്ട് നേരിടുകയാണെന്ന് ഒഐസിസി ഇൻകാസ് സെൻട്രൽ കമ്മിറ്റി പ്രസ്താവനയിൽ കുറ്റപ്പെടുത്തി..അഴിമതിയും അരാജകത്വവും കെടുകാര്യസ്ഥതയും അഴിഞ്ഞാടുന്ന സ്ഥിതിവിശേഷമാണു സംസ്ഥാനത്ത് കഴിഞ്ഞ 7 വർഷങ്ങളിലെന്നും,
കേന്ദ്രത്തിൽ നരേന്ദ്ര മോദി രാഹുൽ ഗാന്ധിയെ എങ്ങിനെ വേട്ടയാടുന്നുവോ അതേ മാതൃക കേരളത്തിൽ മുണ്ടുടുത്ത മോദിയും നടപ്പാക്കുകയാണെന്നും ഒഐസിസി ഇൻകാസ് ഖത്തർ പ്രസിഡൻറ് സമീർ ഏറാമല പ്രസ്താവനയിൽ ആരോപിച്ചു.അഴിമതിയും കൊള്ളരുതായ്മയും മൂടിവെക്കാൻ രാഷ്ട്രീയഎതിരാളികളേയും എതിർസ്വരം ഉയർത്തുന്നവരെ അധികാരമുപയോഗിച്ച് തളർത്താനും വ്യാജക്കേസുകൾ ചമച്ച് തുറുങ്കിലടക്കാനുമുള്ള മുഖ്യമന്ത്രി പിണറായി വിജയന്റെ ശ്രമങ്ങൾ വിലപ്പോവില്ലെന്നും, അഴിമതിക്കെതിരായ സമരങ്ങൾ കൂടുതൽ ശക്തിയോടെ മുന്നോട്ടു നയിക്കാൻ കെപിസിസി അദ്ധ്യക്ഷനു പൂർണ്ണപിന്തുണ നൽകുന്നതായും ഭാരവാഹികൾ കൂട്ടിച്ചേർത്തു.
ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/B5cRGSkveuO5fUeQTEr