October 02, 2023
October 02, 2023
ദോഹ :ദോഹ എക്സ്പോ ഉത്ഘാടന ചടങ്ങിൽ പങ്കെടുക്കാനെത്തിയ യു.എ.ഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനെയും പ്രതിനിധി സംഘത്തെയും ഖത്തർ അമീർ ഷെയ്ഖ് തമീം ബിൻ ഹമദ് അൽതാനിയുടെ നേതൃത്വത്തിൽ ദോഹ രാജ്യാന്തര വിമാനത്താവളത്തിൽ സ്വീകരിച്ചു.തിങ്കളാഴ്ച ഉച്ചതിരിഞാണ് യു.എ.ഇ പ്രസിഡന്റും ഉന്നതതല പ്രതിനിധി സംഘവും ദോഹയിൽ എത്തിയത്.
ഖത്തർ അമീറിന്റെ പ്രത്യേക പ്രതിനിധി ഷെയ്ഖ് ജാസിം ബിൻ ഹമദ് അൽതാനി,അമീരി ദിവാൻ മേധാവി ഷെയ്ഖ് സൗദ് ബിൻ അബ്ദുൾ റഹ്മാൻ അൽ താനി,ഖത്തറിലെ യുഎഇ അംബാസഡർ ഷെയ്ഖ് സായിദ് ബിൻ ഖലീഫ ബിൻ സുൽത്താൻ ബിൻ ഷഖ്ബൗത്ത് അൽ നഹ്യാൻ എന്നിവരും യുഎഇ പ്രസിഡന്റിനെ സ്വീകരിക്കാൻ വിമാനത്താവളത്തിൽ എത്തിയിരുന്നു.
മൂന്നര വർഷം നീണ്ടുനിന്ന ഉപരോധം പിൻവലിച്ച ശേഷം ഇത് രണ്ടാം തവണയാണ് യു.എ.ഇ പ്രസിഡന്റ് ഖത്തർ സന്ദർശിക്കുന്നത്.കഴിഞ്ഞ ഡിസംബറിൽ ഫിഫ ലോകകപ്പിന് മുന്നോടിയായി ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഖത്തർ സന്ദർശിച്ചിരുന്നു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/FSQLmJGMow51SCIIBEEcWV