October 16, 2023
October 16, 2023
ദോഹ :ദോഹയിൽ നടക്കുന്ന ഖത്തര് മാസ്റ്റേഴ്സ് ചെസില് ഇന്ത്യൻ കൗമാരത്തിന് തിളക്കമാർന്ന നേട്ടം. ലോക ഒന്നാം നമ്പർ താരം മാഗ്നസ് കാൾസനെ സമനിലയിൽ തളച്ചാണ് തമിഴ്നാട്ടില് നിന്നുള്ള എം. പ്രണേഷ് അപൂർവ നേട്ടം കൈവരിച്ചത്.
ലുസൈൽ സ്പോർട്സ് അറീനയിൽ നടന്ന മത്സരത്തിൽ 53 നീക്കത്തിനൊടുവിൽ കാൾസൻ 17 കാരനായ ഇന്ത്യൻ ഗ്രാൻഡ്മാസ്റ്റർക്ക് മുന്നിൽ സമനില വഴങ്ങുകയായിരുന്നു.
ലോകചാമ്പ്യൻഷിപ്പിൽ കാൾസനെ വിറപ്പിച്ച പ്രഗ്നാനന്ദക്കു പിന്നാലെ ഇന്ത്യയിൽ നിന്നുള്ള ഭാവിതാരമെന്ന് വിശേഷിപ്പിക്കുന്ന പ്രണേഷിന്റെ ചടുലമായ നീക്കങ്ങളിലായിരുന്നു കാൾസൻ വിജയം കൈവിട്ട് സമനില സമ്മതിച്ചത്.
രണ്ടാം റൗണ്ടിൽ തോറ്റ കാൾസൻ, ഞായറാഴ്ച രാത്രിയിലെ അഞ്ചാം റൗണ്ട് മത്സരം പൂർത്തിയായപ്പോൾ 3.5 പോയന്റുമായി 12ാം സ്ഥാനത്താണുള്ളത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSUf