June 15, 2023
June 15, 2023
ന്യൂസ്‌റൂം ബ്യുറോ
ദോഹ : കേരള ബിസിനസ് ഫോറം പുതിയ ഭാരവാഹികളെ തിരഞ്ഞെടുത്തു. സ്റ്റെയിജൻബെർഗെർ ഹോട്ടലിൽ ജനറൽ ബോഡി മീറ്റിംഗിനോടൊപ്പം നടന്ന തെരഞ്ഞെടുപ്പിൽ അജി കുര്യാക്കോസിനെ പ്രസിഡന്റായി തെരഞ്ഞെടുത്തു.
രണ്ടു പതിറ്റാണ്ടായി ഖത്തർ സാമൂഹ്യ മണ്ഡലത്തിൽ സജീവമായി ഇടപെടുന്ന അജി കുര്യാക്കോസ് കെ ബി എഫ് സ്ഥാപകരിൽ ഒരാൾ കൂടിയാണ്. ട്രാവൽ ആൻഡ് ടൂറിസം രംഗത്ത് പ്രവർത്തിക്കുന്ന മാജിക് ടൂർസിന്റെ മാനേജിങ് ഡയറക്ടറാണ്.
മാനേജ്‌മന്റ് കമ്മിറ്റിയിലേക്ക് കിമി അലക്സാണ്ടർ, നൂറുൽഹഖ്, മൻസൂർ മൊയ്തീൻ, ഹമീദ് കെ എം എസ്, ജയ്പ്രസാദ് ജെപി, ഫർസാദ് അക്കര, ഹംസ സഫർ, സോണി എബ്രഹാം, മുഹമ്മദ് അസ്‌ലം, മുഹമ്മദ് ഷബീർ തുടങ്ങിയവർ തിരഞ്ഞെടുക്കപ്പെട്ടു.
ആക്ടിങ് പ്രസിഡന്റ് രാമകൃഷ്ണന്റെ അധ്യക്ഷതയിൽ ചേർന്ന യോഗത്തിൽ, ഐ ബി പി സി യുടെ വൈസ് പ്രസിഡന്റ് അബ്ദുൽ സാത്താറിന്റെ മേൽനോട്ടത്തിൽ അഡ്വൈസറി ബോർഡ് ചെയർമാൻ ജയരാജ് തിരഞ്ഞെടുപ്പിന് നേതൃത്വം വഹിച്ചു. കിമി അലക്സാണ്ടർ സ്വാഗതം പറഞ്ഞു.ഐ സി ബി എഫ് പ്രസിഡന്റും മുൻ കെ ബി എഫ് പ്രസിഡന്റുമായ ഷാനവാസ് ബാവ സംസാരിച്ചു. കഴിഞ്ഞ രണ്ടു വർഷത്തെ പ്രവർത്തന റിപ്പോർട്ട്, സെക്രട്ടറി നിഹാദ് അലിയും, സാമ്പത്തിക റിപ്പോർട്ട് ട്രീഷറർ ഗിരീഷ് പിള്ളയും അവതരിപ്പിച്ചു
ഇന്ത്യൻ എംബസ്സിയുടെ അംഗീകാരത്തോടു കൂടി പ്രവർത്തിക്കുന്ന ഖത്തറിലെ മലയാളി സംരംഭകരുടെ കൂട്ടായ്മയാണ് കെ.ബി.എഫ്.. ആദ്യമായി തിരഞ്ഞെടുപ്പിലൂടെ നിലവിൽ വന്ന നേതൃത്വമാണ് പുതുതായി ചുമതലയേറ്റത്.
ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/HHOGGyLPTMH45QRaxZQRyz
