May 14, 2023
May 14, 2023
ന്യൂസ്‌റൂം ബ്യൂറോ
ദോഹ: മികച്ച മീഡിയ സെന്ററിനുള്ള ഇന്റര്‍നാഷണല്‍ സ്പോര്ട്സ് പ്രസ് അസോസിയേഷന്‍ പുരസ്‌കാരം ഖത്തര്‍ ഫിഫ മീഡിയ സെന്ററിന് ലഭിച്ചു. ഒരു കായിക ഇനത്തിന്റെ ചാമ്പ്യന്‍ഷിപ്പിനായി ഒരുക്കിയ ഏറ്റവും മികച്ച മീഡിയ സെന്ററിനുള്ള പുരസ്‌കാരമാണ് ലോകകപ്പ് മീഡിയ സെന്റര്‍ സ്വന്തമാക്കിയത്.
ക്യു.എന്‍.സി.സിയില്‍ അത്യാധുനിക സൗകര്യങ്ങളോടെയാണ് ഖത്തര്‍ ലോകമെങ്ങുമുള്ള മാധ്യമപ്രവര്‍ത്തകരെ സ്വീകരിച്ചത്. 12,500 മാധ്യമ പ്രവര്‍ത്തകരാണ് ലോകകപ്പ് റിപ്പോര്‍ട്ട് ചെയ്യാന്‍ ഫിഫ അക്രഡിറ്റേഷന്‍ വഴി ഇവിടെ എത്തിയത്. മാധ്യമപ്രവര്‍ത്തകര്‍ക്കും ഫോട്ടോഗ്രാഫര്‍മാര്‍ക്കും അവരുടെ ജോലി നിര്‍വഹിക്കുന്നതിന് വിപുലമായ സൗകര്യങ്ങള്‍ തന്നെ ഒരുക്കിയിരുന്നു.
ഇതോടൊപ്പം സ്റ്റേഡിയങ്ങളില്‍ ചെന്ന് കളി കാണാന്‍ സൗകര്യമില്ലാത്തവര്‍ക്കായി രണ്ട് വെര്‍ച്വല്‍ ഗാലറികളും ഈ മീഡിയ സെന്ററിന്റെ ഭാഗമായിരുന്നു. ബീജിങ് വിന്റര്‍ ഒളിമ്പിക്സ് മീഡിയ സെന്ററാണ് മള്‍ട്ടി സ്പോര്ട്സ് കാറ്റഗറിയില്‍ പുരസ്‌കാരം നേടിയത്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL
