May 01, 2023
May 01, 2023
അൻവർ പാലേരി
ദോഹ / മനാമ : വർഷങ്ങളുടെ ഇടവേളക്ക് ശേഷം ദോഹക്കും മനാമക്കുമിടയിൽ രണ്ടാഴ്ചക്കകം നേരിട്ടുള്ള വിമാന സർവീസുകൾ പുനരാരംഭിച്ചേക്കുമെന്ന് ഉന്നത വൃത്തങ്ങളെ ഉദ്ധരിച്ച് 'അൽ ശർഖ്'അറബ് പത്രം റിപ്പോർട്ട് ചെയ്തു.ആഴ്ചയിൽ എത്ര സർവീസുകൾ നടത്തുമെന്നും സർവീസുകൾ പുനരാരംഭിക്കുന്ന തിയ്യതിയും ഉൾപെടെയുള്ള കാര്യങ്ങളിൽ അന്തിമ ചർച്ചകൾ പുരോഗമിക്കുകയാണെന്നും റിപ്പോർട്ടിൽ പറയുന്നു.
2017 ലെ ഉപരോധവുമായി ബന്ധപ്പെട്ട പ്രതിസന്ധിക്ക് ശേഷം ഖത്തറും ബഹ്‌റൈനും നയതന്ത്രബന്ധം പുനരാരംഭിച്ചതിന് തൊട്ടുപിന്നാലെയാണ് വിമാനസർവീസുകൾ കൂടി പുനരാരംഭിക്കാനുള്ള തീരുമാനം. എന്നാൽ, ഇക്കാര്യത്തിൽ പരസ്യമായി പ്രതികരിക്കാൻ അധികൃതർ ഇതുവരെ തയ്യാറായിട്ടില്ല.
2017 ൽ ആരംഭിച്ച ഉപരോധം 2021 ലെ അൽ ഉല പ്രഖ്യാപനത്തോടെ അവസാനിച്ചിരുന്നെങ്കിലും ഖത്തറും ബഹ്‌റൈനും തമ്മിലുള്ള ബന്ധം പഴയ നിലയിലായിരുന്നില്ല.അതേസമയം,ഏപ്രിൽ 12 ന്, റിയാദിൽ നടന്ന രണ്ടാമത്തെ ഫോളോ-അപ്പ് കമ്മിറ്റി യോഗത്തിന് ശേഷം ഖത്തറി, ബഹ്‌റൈൻ അധികൃതർ നയതന്ത്രബന്ധം പൂർണമായി പുനഃസ്ഥാപിക്കുമെന്ന് പ്രഖ്യാപിച്ചിരുന്നു.ഇതിനുപിന്നാലെ,ഇരു രാജ്യങ്ങളിലെയും എംബസികൾ വീണ്ടും തുറക്കുന്നതിനുള്ള ചർച്ചകൾ നടന്നുകൊണ്ടിരിക്കുകയാണെന്ന് ഖത്തർ വിദേശകാര്യ വക്താവ് ഡോ. മജീദ് അൽ അൻസാരി കഴിഞ്ഞ മാസം സ്ഥിരീകരിച്ചിരുന്നു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
