January 26, 2023
January 26, 2023
ന്യൂസ്റൂം ബ്യുറോ
ദോഹ :ദീർഘകാലത്തെ അഭിപ്രായഭിന്നതകൾക്ക് വിരാമമിട്ട് ബഹ്റൈനും ഖത്തറും തമ്മിലുള്ള ബന്ധം ഊഷ്മളമാക്കുന്നു. ഇരു രാജ്യങ്ങളും തമ്മിലുള്ള ബന്ധം ഊട്ടിയുറപ്പിക്കുന്നതിന്റെ ഭാഗമായി ബഹ്റൈന് കിരീടാവകാശിയും പ്രധാനമന്ത്രിയുമായ പ്രിന്സ് സല്മാന് ബിന് ഹമദ് അല് ഖലീഫയും ഖത്തര് അമീര് ശൈഖ് തമീം ബിന് ഹമദ് അല് താനിയും ടെലിഫോണ് സംഭാഷണം നടത്തി.
ഖത്തറിന്റെ പുരോഗതിക്കും അഭിവൃദ്ധിക്കുമായുള്ള ഹമദ് രാജാവിന്റെ ആശംസ കിരീടാവകാശി കൈമാറി. ഇരു രാജ്യത്തെയും ജനങ്ങള് തമ്മിലുള്ള സാഹോദര്യ ബന്ധം ചൂണ്ടിക്കാട്ടിയ കിരീടാവകാശി, പ്രശ്നങ്ങള് പരിഹരിച്ചു മുന്നോട്ട് പോകേണ്ടതിന്റെ പ്രാധാന്യവും എടുത്തു പറഞ്ഞു. ജനങ്ങളുടെ അഭിലാഷങ്ങള് നിറവേറ്റാനും ജി.സി.സിയുടെ ഐക്യവും മേഖലയുടെ സുരക്ഷിതത്വവും നിലനിര്ത്താനും ഇത് ആവശ്യമാണെന്നും അദ്ദേഹം ചൂണ്ടിക്കാട്ടി. ഉദ്യോഗസ്ഥ തലത്തിലുള്ള കൂടിയാലോചനകള് തുടരാനും ചര്ച്ചയില് തീരുമാനമായി.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക