May 18, 2023
May 18, 2023
ന്യൂസ്‌റൂം ബ്യുറോ
ദോഹ:റവന്യൂ- സര്‍വെ വകുപ്പുകളിലെ വിവിധ സേവനങ്ങളുമായി ബന്ധപ്പെട്ട് സമര്‍പ്പിച്ച അപേക്ഷകളുടെ തല്‍സ്ഥതി അറിയാനും പരാതി അറിയിക്കാനുമായി പ്രവാസികൾക്കായി ഏർപ്പെടുത്തിയ ഓണ്‍ലൈന്‍ സംവിധാനം പ്രവര്‍ത്തന സജ്ജമായി.വില്ലേജ് ഓഫീസുകള്‍, താലൂക്ക് ഓഫീസുകള്‍ എന്നിവിടങ്ങളില്‍ നല്‍കിയ വിവിധ രേഖകള്‍, മക്കളുടെ വിദ്യാഭ്യാസത്തിനായുള്ള സര്‍ട്ടിഫിക്കറ്റുകള്‍, ഭൂനികുതി, കെട്ടിട നികുതി, ഭൂമി തരം തിരിക്കല്‍, ഭൂമി ഏറ്റെടുക്കല്‍, പട്ടയം, റവന്യൂ റിക്കവറി, പോക്ക് വരവ്, ഡിസാസ്റ്റര്‍ മാനേജ്‌മെന്റ് തുടങ്ങിയവയുമായി ബന്ധപ്പെട്ട കാര്യങ്ങള്‍ക്ക് പ്രവാസി മിത്രം പോര്‍ട്ടലില്‍ രജിസ്റ്റര്‍ ചെയ്ത് പരാതികള്‍ സമര്‍പ്പിക്കാനും മറ്റ് സേവനങ്ങള്‍ ലഭ്യമാക്കാനും ഓണ്‍ ലൈന്‍ വഴി സാധിക്കും.
ലിങ്ക്: http://pravasimithram.kerala.gov.in
പരാതിയുമായി ബന്ധപ്പെട്ട രേഖകള്‍ അപ്ലോഡ് ചെയ്യാന്‍ ഓപ്ഷനുണ്ട്. ഒന്നില്‍ കൂടുതല്‍ രേഖകളുണ്ടെങ്കില്‍ ഒറ്റ ഫയലാക്കിയതിനു ശേഷം പി ഡി എഫ് ഫോര്‍മാറ്റില്‍ അപ്ലോഡ് ചെയ്യുക. ഫയല്‍ സൈസ് ഒരു എം ബിയില്‍ കവിയരുത്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe
