January 11, 2022
January 11, 2022
ജനീവ : കോവിഡിന്റെ കൂടുതൽ വകഭേദങ്ങൾ പ്രത്യക്ഷപ്പെടുന്നതിന് പിന്നാലെ ഇവയ്ക്കെതിരായ പ്രതിരോധ വാക്സിനുകളുടെയും എണ്ണം കൂടുകയാണ്.അതിവേഗം പടരുന്ന ഓമിക്രോൺ വകഭേദത്തെ പ്രതിരോധിക്കാൻ ശേഷിയുള്ള വാക്സിൻ മാർച്ചിൽ പുറത്തിറങ്ങുമെന്നും ഇതിൻറെ നിർമാണം തുടങ്ങിയതായും ഫൈസർ അറിയിച്ചു.
"ഓമിക്രോൺ വാക്സിൻ നിർമാണം തുടങ്ങിക്കഴിഞ്ഞു. മറ്റു വകഭേദങ്ങളെ പ്രതിരോധിക്കാനും ഈ വാക്സിന് സാധിക്കും," ഫൈസർ സി.ഇ.ഓ ആൽബർട്ട് ബൗർല ഒരു അമേരിക്കൻ ചാനലുമായുള്ള അഭിമുഖത്തിൽ പറഞ്ഞു.
പല രാജ്യങ്ങളും ബൂസ്റ്റർ ഡോസ് നൽകുന്നതിനാൽ ഓമിക്രോൺ വാക്സിൻ എങ്ങിനെ ഉപയോഗിക്കുമെന്ന് വ്യക്തമല്ലെന്നും റിപ്പോർട്ട് പറയുന്നു.
അതേസമയം ഒന്നര മുതൽ രണ്ട് മാസത്തിനുള്ളിൽ യൂറോപ്പിലെ പകുതിയിലധികം പേർക്കും ഓമിക്രോൺ ബാധിക്കുമെന്ന് ലോകാരോഗ്യ സംഘടന മുന്നറിയിപ്പ് നൽകി.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക