September 05, 2021
September 05, 2021
കോഴിക്കോട്: നിപ സ്ഥിപീകരിച്ച ചാത്തമംഗലം മുന്നൂരില് കേന്ദ്രസംഘം സന്ദര്ശനം നടത്തി. പ്രതിരോധ പ്രവര്ത്തനം വിലയിരുത്താന് മെഡിക്കല് കോളജ് വകുപ്പ് മേധാവികളുടെ യോഗം അല്പസമയത്തിനകം ചേരും. നാഷണല് സെന്റര് ഫോര് ഡിസിസ് കണ്ട്രോള് ടീമാണ് കോഴിക്കോട് എത്തിയത്.
മരിച്ച പന്ത്രണ്ട് വയസ്സുകാരന്റെ രോഗ ഉറവിടം അവ്യക്തമാണ്. കുട്ടി റംബൂട്ടാന് കഴിച്ചതായി കരുതുന്ന സ്ഥലം സന്ദര്ശിച്ച കേന്ദ്ര സംഘം റംബൂട്ടാന് സാംപിളുകളും ശേഖരിച്ചു. സംസ്ഥാനത്ത് നിപ സ്ഥിരീകരിച്ച സാഹചര്യത്തില് രോഗനിയന്ത്രണത്തിന് എല്ലാ വിധ പിന്തുണയും കേന്ദ്രം ഉറപ്പുനല്കിയിട്ടുണ്ട്.
രോഗബാധിതനായി മരിച്ച പന്ത്രണ്ടുകാരന്റെ വീടിന് സമീപം ഗതാഗത നിയന്ത്രണം ഏര്പ്പെടുത്തിയിരിക്കുകയാണ്. മൂന്ന് കിലോമീറ്റര് ചുറ്റളവിലാണ് നിയന്ത്രണം.