September 03, 2023
September 03, 2023
തിരുവനന്തപുരം: മജീഷ്യനും ജീവകാരുണ്യപ്രവര്‍ത്തകനുമായ ഗോപിനാഥ് മുതുകാടിന്റെ 'ഭിന്നശേഷിക്കാര്‍ക്ക് ആശുപത്രി' എന്ന പദ്ധതിക്ക് ആശ്രയവുമായി ലുലു ഗ്രൂപ്പ് ചെയര്‍മാന്‍ എം എ യൂസഫലി. കാസര്‍ഗോഡ് ഭിന്നശേഷി ഗവേഷണ കേന്ദ്രത്തിന്റെ ലോഗോ പ്രകാശനത്തിനായി കഴക്കൂട്ടത്തെ ഡിഫറന്റ് ആര്‍ട് സെന്ററിലെത്തിയതായിരുന്നു യൂസഫലി.
83 കോടി രൂപ ചെലവില്‍ ഭിന്നശേഷിക്കാര്‍ക്കായി ഒരു ആശുപത്രി എന്ന ഗോപിനാഥ് മുതുകാടിന്റെ സ്വപ്നത്തിലേക്ക് ഒന്നരക്കോടി രൂപയാണ് എം എ യൂസഫലി വാഗ്ദാനം ചെയ്തത്. എല്ലാ വര്‍ഷവും ഒരു കോടി രൂപ വീതം പദ്ധതിയിലേക്ക് തരുമെന്നും, തന്റെ കാലശേഷവും ഇത് തുടരുമെന്നും യൂസഫ് അലി ഉറപ്പ് നല്‍കി. സെന്‍റര്‍ എക്സിക്യൂട്ടീവ് ഡയറക്ടര്‍ ഗോപിനാഥ് മുതുകാടിന് വേദിയില്‍ വെച്ച് തന്നെ യൂസഫലി ചെക്ക് കൈമാറി.
ഡിഫറന്റ് ആര്‍ട് സെന്ററിലെത്തിയ എം.എ യൂസഫലിയെ സ്നേഹവിരുന്നൊരുക്കിയാണ് കുട്ടികൾ സ്വീകരിച്ചത്. സെന്‍ററില്‍ ഭിന്നശേഷിക്കാരായ കുട്ടികള്‍ക്കായി ഒരുക്കിയിട്ടുള്ള വിവിധ പഠനകേന്ദ്രങ്ങളായ സംഗീത ഉപകരണങ്ങള്‍ പഠിപ്പിയ്ക്കുന്ന കേന്ദ്രവും, മാജിക് പഠിപ്പിയ്ക്കുന്ന കേന്ദ്രവുമടക്കം അദ്ദേഹം സന്ദര്‍ശിച്ചു. സെന്‍ററിന്‍റെ ഭിന്നശേഷി പുനരധിവാസ പ്രവര്‍ത്തനങ്ങള്‍ക്ക് അദ്ദേഹം പൂര്‍ണ്ണ പിന്തുണയും അറിയിച്ചു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
