March 27, 2024
March 27, 2024
ദോഹ: ദോഹയിൽ നിന്നും വിദൂര ദിക്കുകളിൽ താമസിക്കുന്ന അർഹരായ സാധാരണക്കാർക്ക് സഹായമെത്തിക്കാൻ ലക്ഷ്യമാക്കി വിമൻ ഇന്ത്യ ഖത്തർ ഇഫ്താർ കിറ്റുകൾ വിതരണം ചെയ്തു. വിവിധ പ്രദേശങ്ങളിലുള്ള തൊഴിലാളികൾ ഉൾപ്പെടെ 3000 ത്തോളം പേർക്കാണ് വീടുകളിൽ പാചകം ചെയ്ത ഇഫ്താർ കിറ്റുകൾ വിതരണം ചെയ്തതെന്ന് ഭാരവാഹികൾ അറിയിച്ചു.
ദോഹയിൽ നിന്നും അകലെയുള്ള പ്രദേശങ്ങളായ കറാന, അബു നഖ് ല, സനയ്യ , കോർണിഷ് ഏരിയയിലെ ബോട്ട് തൊഴിലാളികൾ ഉൾപ്പെടെയുള്ളവരിലേക്കാണ് കിറ്റുകൾ എത്തിച്ചത്.
വക് റ, മദീന ഖലീഫ, റയ്യാൻ, ദോഹ, തുമാമ സോണുകളിലെ വിമൻ ഇന്ത്യ പ്രവർത്തകരടക്കം ഖത്തറിലുള്ള 500 ഓളം സ്ത്രീകൾ വീട്ടിൽ പാചകം ചെയ്ത ഭക്ഷണം അടങ്ങുന്ന ഇഫ്താർ കിറ്റുകളാണ് ലേബർ ക്യാമ്പുകളിലേക്ക് എത്തിച്ചത്. സെന്റർ ഫോർ ഇന്ത്യൻ കമ്മ്യൂണിറ്റി , സ്റ്റുഡന്റ്സ് ഇന്ത്യ, ഗേൾസ് ഇന്ത്യ പ്രവർത്തകരും ഈ ഉദ്യമത്തിൽ സഹകരിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F