December 14, 2023
December 14, 2023
ഇറാന്: ഇന്ത്യ ഉള്പ്പെടെ 33 രാജ്യങ്ങള്ക്ക് ഇറാന് വിസ രഹിത പ്രവേശനം പ്രഖ്യാപിച്ചു. സാംസ്കാരിക പൈതൃകം, ടൂറിസം, കരകൗശല വകുപ്പുകള് നിശ്ചയിച്ച മുന്ഗണനകള്ക്ക് അനുസൃതമായാണ് തീരുമാനം. സന്ദര്ശകരെ സ്വാഗതം ചെയ്യാനുള്ള രാജ്യത്തിന്റെ സന്നദ്ധത പ്രകടമാക്കുന്നതാണ് തീരുമാനമെന്ന് ടൂറിസം മന്ത്രി ഇസത്തൊള്ള സര്ഗാമി പറഞ്ഞു.
ഇന്ത്യ, ഖത്തര്, യുഎഇ, സൗദി അറേബ്യ, ബഹ്റൈന്, കുവൈത്ത്, റഷ്യ, ലബനന്, ഉസ്ബക്കിസ്ഥാന്, കിര്ഗിസ്ഥാന്, താജിക്കിസ്ഥാന്, ടുണിഷ്യ, സിംബാംബ്വെ, മൗറീഷ്യസ്, ഇന്തോനേഷ്യ, സിഷെല്സ്, ബ്രൂണൈ, ജപ്പാന്, സിംഗപ്പൂര്, കംബോര്ഡിയ, മലേഷ്യ, വിയറ്റ്നാം, ബ്രസീല്, പെറു, ക്യൂബ, മെക്സിക്കോ, വെനസ്വേല, ബോസ്നിയ- ഹെര്സഗോവിന, സെര്ബിയ, ക്രൊയേഷ്യ, ബെലാറസ് എന്നീ രാജ്യങ്ങള്ക്കാണ് വിസ രഹിത പ്രവേശനം പ്രഖ്യാപിച്ചത്.
ഒമാനി പാസ്പോര്ട്ട് ഉടമകള്ക്ക് വിസ രഹിത പ്രവേശനം നേരത്തെ ഇറാന് പ്രഖ്യാപിച്ചിരുന്നു. അറുപത് രാജ്യങ്ങള്ക്ക് സൗജന്യ പ്രവേശനം അനുവദിക്കണമെന്ന നിര്ദേശത്തില് 33 രാജ്യങ്ങള്ക്കാണ് വിസ രഹിത പ്രവേശനം അനുവദിച്ചത്.
അതിനിടെ ഇറാനില് നിന്നുള്ള ഉംറ യാത്രയ്ക്കും അനുമതി ലഭിച്ചു. ഡിസംബര് 19 മുതല് ഇറാനിയന് പൗരന്മാര്ക്ക് സൗദി അറേബ്യയില് ഉംറ ചെയ്യാമെന്ന് ഇറാനിയന് മാധ്യമങ്ങള് റിപ്പോര്ട്ട് ചെയ്തു. എട്ട് വര്ഷത്തിന് ശേഷമാണ് ഇറാനില് നിന്ന് ഉംറയ്ക്ക് അനുമതി ലഭിക്കുന്നത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F