December 09, 2023
December 09, 2023
ന്യൂ ഡൽഹി: ഇന്ത്യക്കാര്ക്ക് വിസ രഹിത പ്രവേശനം നല്കാന് തീരുമാനിച്ച് ഇന്തോനേഷ്യ. ഒരു മാസത്തിനുള്ളില് ഈ തീരുമാനത്തിന് അംഗീകാരം നല്കുമെന്ന് ഇന്തോനേഷ്യന് ടൂറിസം മന്ത്രാലയം അറിയിച്ചു. ഇന്ത്യന് വിനോദസഞ്ചാരികളെ ആകര്ഷിക്കുന്നതിനാണ് ഈ തീരുമാനമെന്നും അധികൃതർ വ്യക്തമാക്കി.
യുഎസ്, ചൈന, ഓസ്ട്രേലിയ, ഇന്ത്യ, ദക്ഷിണ കൊറിയ, ജര്മ്മനി, ബ്രിട്ടന്, ഫ്രാന്സ് എന്നിവയുള്പ്പെടെ 20 രാജ്യക്കാർക്ക് വിസ രഹിത പ്രവേശനം അനുവദിക്കാനാണ് തീരുമാനം. ഈ രാജ്യങ്ങളില് നിന്നുള്ള വിനോദ സഞ്ചാരികള്ക്ക് വിസ രഹിത പ്രവേശനം നല്കുന്നത് പരിഗണിക്കാന് സര്ക്കാരില് നിന്ന് നിര്ദ്ദേശം ലഭിച്ചതായി ഇന്തോനേഷ്യന് ടൂറിസം മന്ത്രി സാന്ഡിയാഗ യുനോ സ്ഥിരീകരിച്ചു. വിദേശ വ്യക്തികളെയും കോര്പ്പറേറ്റ് നിക്ഷേപകരെയും ആകര്ഷിക്കുന്നതിനായി സെപ്തംബറില് ഇന്തോനേഷ്യ ഗോള്ഡന് വിസയും പ്രഖ്യാപിച്ചിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F