November 28, 2023
November 28, 2023
യെമന്‍: യെമന്‍ തീരത്ത് ഇസ്രയേലുമായി ബന്ധമുള്ള ടാങ്കര്‍ തടഞ്ഞുവെച്ച അക്രമികളെ യുഎസ് നാവികസേന പിടികൂടി. ഗള്‍ഫ് ഓഫ് ഏദനില്‍ സോഡിയാക് മാരിടൈം നിയന്ത്രണത്തിലുള്ള ലൈബീരിയന്‍ പതാകയുള്ള സെന്‍ട്രല്‍ പാര്‍ക്ക് എന്ന കപ്പലാണ് അക്രമികള്‍ റാഞ്ചിയത്. തുടര്‍ന്ന് സായുധരായ ആക്രമികളോട് കപ്പല്‍ വിട്ടുനല്‍കാന്‍ യുഎസ് സേന ആവശ്യപ്പെട്ടു. തുടര്‍ന്ന് അക്രമികളായ അഞ്ച് പേര്‍ കപ്പലില്‍ നിന്ന് ചെറിയ ബോട്ടുകളില്‍ രക്ഷപെടാന്‍ ശ്രമിക്കുകയും മേസണ്‍ സേന പിന്‍തുടര്‍ന്ന് പിടികൂടുകയുമായിരുന്നു.
ഫോസ്‌ഫോറിക് ആസിഡുമായി പോകുകയായിരുന്ന കപ്പലാണ് തടഞ്ഞുവെച്ചത്. കപ്പലില്‍ ഇന്ത്യക്കാര്‍ ഉള്‍പ്പെടെ 22 ജീവനക്കാര്‍ ഉണ്ടായിരുന്നു. ജീവനക്കാരും കപ്പലും സുരക്ഷിതമാണെന്നും യുഎസ് മിലിട്ടറി സെന്‍ട്രല്‍ കമാന്‍ഡ് പ്രസ്താവനയിലൂടെ അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
