December 23, 2023
December 23, 2023
ദുബായ്: പ്രാഗിലെ (ചെക് റിപ്പബ്ലിക്ക്) ചാള്സ് സര്വകലാശാലയില് 24 കാരനായ ചെക് വിദ്യാര്ത്ഥി നടത്തിയ വെടിവെപ്പില് യുഎഇ പൗരനും ഭാര്യയ്ക്കും പരിക്കേറ്റു. യുഎഇ ദമ്പതികള്ക്ക് വെടിവെപ്പില് പരിക്കേറ്റതായി യുഎഇ വിദേശകാര്യ മന്ത്രാലയം അറിയിച്ചു. വ്യാഴാഴ്ച (ഡിസംബർ 21) നടന്ന ആക്രമണത്തില് 14 പേരാണ് കൊല്ലപ്പെട്ടത്. 25 പേര്ക്ക് പരിക്കേല്ക്കുകയും ചെയ്തിരുന്നു. രാജ്യത്തെ എക്കാലത്തെയും വലിയ കൂട്ട വെടിവയ്പ്പാണിതെന്ന് പൊലീസ് വ്യക്തമാക്കി.
പരിക്കേറ്റ യുഎഇ പൗരന്മാരുടെ ആരോഗ്യസ്ഥിതി പരിശോധിച്ചു വരികയാണെന്നും പരിക്കുകള് ഗുരുതരമാണോയെന്ന് വ്യക്തമല്ലെന്നും വിദേശകാര്യ മന്ത്രാലയം അറിയിച്ചു. പരിക്കേറ്റവർക്ക് അടിയന്തര ചികിത്സ നൽകുന്നുണ്ടെന്നും മന്ത്രാലയം വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F