December 28, 2023
December 28, 2023
തിരുവനന്തപുരം: നാടകനടനും സംവിധായകനുമായ പ്രശാന്ത് നാരായണൻ അന്തരിച്ചു. 51 വയസ്സായിരുന്നു. കൊട്ടപ്പള്ളി കാലടി കരമന സ്വദേശിയാണ്. ശ്വാസകോശ സംബന്ധമായ അസുഖത്തെ തുടര്ന്ന് തിരുവനന്തപുരത്തായിരുന്നു അന്ത്യം. അവശനിലയിലായതിനെ തുടര്ന്ന് ഇന്നു രാവിലെ ജനറല് ആശുപത്രിയില് പ്രവേശിപ്പിക്കുകയായിരുന്നു.
സെന്റ് ജോസഫ് സ്കൂളിലായിരുന്നു പ്രാഥമിക വിദ്യാഭ്യാസം. തൃശൂരിൽനിന്ന് ബാച്ചിലർ ഓഫ് തിയറ്റർ ആർട്സിൽ ബിരുദം നേടി. മൃഗസംരക്ഷണ വകുപ്പ് ജില്ലാ ഓഫീസിൽ ജീവനക്കാരനായിരുന്നു.
15-ാമത്തെ വയസ്സ് മുതലാണ് നാടകങ്ങൾ എഴുതിത്തുടങ്ങിയത്. മകരധ്വജൻ, മഹാസാഗരം, മണികർണിക, കറ, താജ് മഹൽ, തപാലാപ്പീസ്, മോഹൻലാൽ അഭിനയിച്ച ഛായാമുഖി എന്നിങ്ങനെ നിരവധി നാടകങ്ങൾ അദ്ദേഹത്തിന്റെതായുണ്ട്. ഭാസന്റെ സംസ്കൃത നാടകമായ സ്വപ്ന വാസവദത്തം വിവിധ ഭാഷകളിൽ സംവിധാനം ചെയ്തിട്ടുണ്ട്. സംഗീത നാടക അക്കാദമി പുരസ്കാരം ഉൾപ്പെടെ നിരവധി അംഗീകാരങ്ങൾ ലഭിച്ചിട്ടുണ്ട്.
പിതാവ്: വെള്ളായണി നാരായണൻ നായർ (കഥകളി സാഹിത്യകാരൻ), മാതാവ്: ശാന്തകുമാരി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F