October 12, 2023
October 12, 2023
ദമാസ്കസ്: സിറിയയിലെ രണ്ടു പ്രധാന വിമാനത്താവളങ്ങള്ക്കു നേരെ വ്യോമാക്രണം. സിറിയയിലെ ആലപ്പോ, ദമാസ്കസ് രാജ്യാന്തര വിമാനത്താവളങ്ങളിലാണ് ആക്രമണം ഉണ്ടായത്. ആക്രമണത്തിന് പിന്നില് ഇസ്രയേലാണെന്ന് സിറിയയിലെ ദേശീയമാധ്യമങ്ങള് റിപ്പോര്ട്ട് ചെയ്തു. ഇസ്രയേലിലെ മാധ്യമങ്ങളും ഇക്കാര്യം സ്ഥിരീകരിച്ച് വാര്ത്ത നല്കിയിട്ടുണ്ട്.
വിമാനത്താവളങ്ങളിലെ റണ്വേക്കു നേരെയാണ് ആക്രമണങ്ങളുണ്ടായത്. ആക്രമണത്തെ തുടര്ന്ന് വിമാന സര്വീസുകള് റദ്ദാക്കി. ആലപ്പോ വിമാനത്താവളത്തിലെ ആക്രമണത്തില് നാശനഷ്ടമുണ്ടായെങ്കിലും ആളപായമില്ലെന്നാണ് റിപ്പോര്ട്ട്. ദമാസ്കസ് വിമാനത്താവളത്തിലെ നാശനഷ്ടങ്ങളെ കുറിച്ച് കൂടുതല് വിവരങ്ങള് പുറത്തുവന്നിട്ടില്ല. അതേസമയം, സംഭവത്തിന് ശേഷം ഇസ്രയേലിനെതിരെ സിറിയന് വ്യോമസേന പ്രത്യാക്രമണം ആരംഭിച്ചതായും റിപ്പോര്ട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU