September 21, 2023
September 21, 2023
ദോഹ: ഖത്തറില് ഗതാഗതക്കുരുക്ക് കുറയ്ക്കുന്നതിനും, പാര്പ്പിട മേഖലകളിലെ ജീവിത നിലവാരം ഉയര്ത്തുന്നതിനും വേണ്ടി പ്രത്യേക വാഹന പാര്ക്കിംഗ് മാനേജ്മെന്റ് പദ്ധതി ആരംഭിക്കുന്നതായി മുനിസിപ്പാലിറ്റി മന്ത്രാലയം അറിയിച്ചു. കഴിഞ്ഞ ദിവസം ദോഹയിൽ നടത്തിയ സംയുക്ത വാർത്താസമ്മേളനത്തിലാണ് പദ്ധതിയുടെ വിശദാംശങ്ങൾ അധികൃതർ വെളിപ്പെടുത്തിയത്. 2021 ലെ നിയമത്തിന് (നിയമം 13) കീഴിലുള്ള സംസ്ഥാന പബ്ലിക് പൊസിഷൻസ് മാനേജ്മെന്റ് പ്രോജക്റ്റിന്റെ ഭാഗമാണ് ഈ പദ്ധതിയെന്നും അധികൃതർ പറഞ്ഞു.
വെസ്റ്റ് ബേ, കോര്ണിഷ്, സെന്ട്രല് ദോഹ എന്നിവിടങ്ങളിലെ പൊതു പാര്ക്കിംഗ് സ്ഥലങ്ങളില്, സെന്സറുകളും തിരിച്ചറിയല് പാനലുകളും സ്ഥാപിക്കുന്നതിനുള്ള പദ്ധതിയും വാർത്താസമ്മേളനത്തിലൂടെ വെളിപ്പെടുത്തിയിരുന്നു. ജനസാന്ദ്രത കൂടുതലുള്ള പ്രദേശങ്ങളിലെ തിരക്കും ഗതാഗത തടസ്സങ്ങളും കുറയ്ക്കുക, പൊതുഗതാഗതം പ്രോത്സാഹിപ്പിക്കുക, പാര്ക്കിംഗുമായി ബന്ധപ്പെട്ട നിയമലംഘനങ്ങൾ കുറയ്ക്കുക തുടങ്ങിയ ലക്ഷ്യങ്ങളോടെയാണ് പുതിയ പദ്ധതി നടപ്പാക്കുന്നതെന്ന് അധികൃതർ വ്യക്തമാക്കി.
സെൻട്രൽ ദോഹ ഏരിയയിലെ അൽ ജസ്ര, മുഷരിബ്, അൽ നജാദ -ബരാഹത്ത് അൽ ജുഫൈരി-ഫെരീജ് അൽ അസ്മാഖ്, ഓൾഡ് ഗാനിം, അൽ സൂഖ്, അൽ റുഫാ- അൽ ഹിത്മി, അൽ മിർഖാബ് - അൽ സലാത; വെസ്റ്റ് ബേ ഏരിയയിലെ അൽ ദഫ്ന, ഒനൈസ; കോർണിഷ് ഏരിയ മുഴുവനും (ഷെറാട്ടൺ മുതൽ ഇസ്ലാമിക് ആർട്ട് മ്യൂസിയം വരെ) എന്നീ സ്ഥലങ്ങളിലാണ് പുതിയ സെൻസറുകളും ഇൻഫർമേഷൻ ബോർഡുകളുമുള്ളത്. വിവിധ സ്ഥലങ്ങളിലായി ഏകദേശം 18,210 വാഹന പാര്ക്കിംഗ് സൗകര്യങ്ങൾ പൂര്ത്തിയായതായി അഷ്ഗാലിലെ എന്ജിനീയര് മുഹമ്മദ് അലി അല് മര്റിയും പറഞ്ഞു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G