August 26, 2023
August 26, 2023
കോഴിക്കോട്: കേരളത്തിലെ മുതിര്ന്ന ഫോട്ടോജേര്ണലിസ്റ്റ് സി.ചോയിക്കുട്ടി അന്തരിച്ചു. 79 വയസ്സായിരുന്നു. ശനിയാഴ്ച വൈകുന്നേരം നാലിനായിരുന്നു അന്ത്യം. കക്കോടി കൂടത്തും പൊയിലിന് സമീപം കയ്യൂന്നിമ്മല് താഴം വീട്ടിലാണ് മരണം സംഭവിച്ചത്.
സംവിധായകനും ക്യാമറാമാനുമായ എ. വിന്സന്റിന്റെ കോഴിക്കോടുള്ള ചിത്ര സ്റ്റുഡിയോയിലായിരുന്നു ചോയിക്കുട്ടിയുടെ തുടക്കം. കാലിക്കറ്റ് ടൈംസ്, കേരള കൗമുദി, കലാകൗമുദി, മാധ്യമം തുടങ്ങിയ പത്രങ്ങളിലും ഫോട്ടോഗ്രാഫറായി പ്രവർത്തിച്ചിരുന്നു. ഫോട്ടോഗ്രാഫിയിലെ സകല മേഖലകളെപ്പറ്റിയും അവസാന കാലം വരെ പഠിച്ചു കൊണ്ടിരുന്ന അദ്ദേഹം സ്വയം വിശേഷിപ്പിച്ചത് ഫോട്ടോഗ്രാഫി വിദ്യാര്ഥിയെന്നായിരുന്നു. മാധ്യമത്തില് നിന്ന് വിരമിച്ച ശേഷം ലൈറ്റ് ആന്റ് ലെന്സ് അക്കാദമി , ഫോട്ടോ ഗ്രാഫി പഠന ഗവേഷണ കേന്ദ്രം തൊണ്ടയാട് ആരംഭിച്ചിരുന്നു.
പിതാവ്: കേളുക്കുട്ടി, മാതാവ്: അമ്മാളു. ഭാര്യ: വി.പി.രോഹിണി (ബീച്ച് ഗവ. ഹോസ്പിറ്റല്), മക്കള്: ഷനോജ് (പ്രൊപൈറ്റര് മിലന് അഡ്വൈടൈസിങ്), രേഖ (ബ്രാഞ്ച് മാനേജര് സി.എഫ്.സി.ഐ.ടി.ഐ) മരുമക്കള്: നിഷില, പരേതനായ ദിലിപ് കുമാര്. സഹോദരങ്ങള്: രവി, സുലോചന, ജ്യോതി, പരേതരായ രാജന്, ചന്ദ്രന്, രാധ. സംസ്ക്കാരം നാളെ (ഞായറാഴ്ച) രാവിലെ 10ന് വെസ്റ്റ്ഹില് ശ്മശാനത്തില്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9