February 06, 2024
February 06, 2024
ദോഹ: എഎഫ്‌സി ഏഷ്യൻ കപ്പിൻ്റെ സെമി ഫൈനൽ മത്സരങ്ങൾ ലുസൈൽ ബൊളിവാർഡിലെ സ്‌ക്രീനിൽ സംപ്രേക്ഷണം ചെയ്യും. ലുസൈൽ സിറ്റിയുടെ ഔദ്യോഗിക സോഷ്യൽ മീഡിയ പ്ലാറ്റ്‌ഫോമിലാണ് ഇക്കാര്യം അറിയിച്ചത്. 'ഹലോ ഏഷ്യ' പരിപാടിയുടെ ഭാഗമായ കൺട്രി സോണുകൾ, പരേഡുകൾ, മറ്റ് പ്രകടനങ്ങൾ എന്നിവയും ബൊളിവാർഡിൽ ഉണ്ടായിരിക്കും. കൂടാതെ, സന്ദർശകർക്ക് വെടിക്കെട്ടും ആസ്വദിക്കാം.
സെമി ഫൈനൽ മത്സരത്തിന്റെ ആദ്യ ദിവസമായ ഇന്ന് (ഫെബ്രുവരി 6) ജോർദാൻ കൊറിയക്കെതിരെ മത്സരിക്കും. അഹമ്മദ് ബിൻ അലി സ്റ്റേഡിയത്തിൽ വൈകിട്ട് 6 മണിക്കാണ് മത്സരം. നാളെ (ഫെബ്രുവരി 7) അൽ തുമാമ സ്റ്റേഡിയത്തിൽ വൈകിട്ട് 6ന് നടക്കുന്ന ഖത്തർ-ഇറാൻ മത്സരത്തോടെ സെമി ഫൈനലും അവസാനിക്കും. സെമി ഫൈനലിൽ വിജയിച്ച രണ്ട് ടീമുകൾ ഫെബ്രുവരി 10ന് നടക്കുന്ന ഫൈനൽ മത്സരത്തിൽ പോരാടും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
