October 10, 2023
October 10, 2023
കോഴിക്കോട്: നഗരത്തില് പുതിയ കെട്ടിടത്തിലേക്ക് മാറിയ സൗദി വിസ ഫെസിലിറ്റേഷന് സെന്ററില് അപേക്ഷകള് സ്വീകരിച്ചു തുടങ്ങി. മിനി ബൈപാസ് റോഡില് ഹൈലൈറ്റ് മാളിന് സമീപമാണ് പുതിയ സെന്റര്. സ്ഥലപരിമിതി മൂലം സൗകര്യപ്രദമായ പുതിയ കെട്ടിടത്തിലേക്ക് സെന്റര് മാറ്റുകയായിരുന്നു. പുതിയ കേന്ദ്രത്തിലേക്ക് മാത്രമാണ് ഇപ്പോള് അപ്പോയ്മെന്റുകള് നല്കുന്നത്.
വിസ സ്റ്റാമ്പിംഗിന് മുംബൈ, ഡല്ഹി നയതന്ത്ര കാര്യാലയങ്ങളെ ആശ്രയിച്ചിരുന്ന മലബാര് മേഖലയിലെ പ്രവാസികള്ക്ക് ഏറെ ഉപകാരപ്രദമാണ് പുതിയ കേന്ദ്രം. കഴിഞ്ഞ ജുലൈയിലാണ് പുതിയ സെന്റര് കോഴിക്കോട് പുതിയറയിലെ സെന്ട്രല് ആര്ക്കേഡില് പ്രവര്ത്തനം ആരംഭിച്ചത്. സൗദിയിലെ തൊഴില് വിസ ഒഴികെയുള്ള ടൂറിസ്റ്റ് വിസ, റെസിഡന്സ് വിസ, പേഴ്സണല് വിസിറ്റ്, സ്റ്റുഡന്സ് വിസ തുടങ്ങിയ എല്ലാ വിസകളും സ്റ്റാമ്പ് ചെയ്യുന്നത് വിഎഫ്എസ് (വിസ ഫെസിലിറ്റേഷന് സര്വീസസ്) വഴിയാണ്. കേരളത്തില് കോഴിക്കോടിന് പുറമെ കൊച്ചിയിലാണ് വിഎഫ്എസ് സേവനം ഉള്ളത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FSQLmJGMow51SCIIBEEcWV