October 17, 2023
October 17, 2023
വാഷിംഗ്ടണ്‍: സംഘര്‍ഷം തുടരുന്ന ഗസയില്‍ വെടിനിര്‍ത്തല്‍ പ്രഖ്യാപിക്കണമെന്ന് ആവശ്യപ്പെട്ട് യുഎസ് ജനപ്രതിനിധി സഭയില്‍ ഡെമോക്രാറ്റിക് അംഗങ്ങള്‍ പ്രമേയം അവതരിപ്പിച്ചു. ഇസ്രയേലിലും ഫലസ്തീനിലും അക്രമാസക്തമായ സാഹചര്യം ഒഴിവാക്കണമെന്നും പ്രമേയത്തില്‍ അംഗങ്ങള്‍ ആവശ്യപ്പെട്ടു. എല്ലാ മനുഷ്യ ജീവനും വിലപ്പെട്ടതാണ്. സിവിലയന്‍മാരെ അവരുടെ വിശ്വാസമോ വംശമോ പരിഗണിക്കാതെ ലക്ഷ്യം വെക്കുകയാണെന്നും അന്താരാഷ്ട്ര മാനുഷിക നിയമങ്ങള്‍ പോലും ലംഘിക്കുകയാണെന്നും പ്രമേയത്തില്‍ ചൂണ്ടിക്കാട്ടുന്നു.
ഇസ്രയേല്‍ ആക്രമണം തുടരുന്ന ഗസയില്‍ വെടിനിര്‍ത്തല്‍ പ്രഖ്യാപിക്കണമെന്ന ആവശ്യം വ്യാപകമായി ഉയരുന്ന സാഹചര്യത്തിലാണ് അംഗങ്ങള്‍ പ്രമേയത്തിലൂടെ ഇക്കാര്യം ആവശ്യപ്പെട്ടത്. ഫലസ്തീന്‍ വംശജയായ റാഷിദ തായിബ്, സോമാലിയന്‍ വംശജയായ ഇഹാന്‍ ഒമറും ഉള്‍പ്പെടെയുള്ള പന്ത്രണ്ടോളം അംഗങ്ങള്‍ പ്രമേയത്തെ പിന്തുണച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
