November 06, 2023
November 06, 2023
ദോഹ: ഗസയില്‍ സമാധാനമില്ലെങ്കില്‍ ബന്ദികളാക്കിയവരെ മോചിപ്പിക്കാന്‍ മധ്യസ്ഥര്‍ക്ക് കഴിയില്ലെന്ന് ഖത്തര്‍ വിദേശകാര്യ മന്ത്രാലയം വ്യക്തമാക്കി. ബന്ദികളുടെ മോചനത്തിന് സമാധാനപരമായ അന്തരീക്ഷം അത്യാവശ്യമാണെന്നും പക്ഷെ കുറച്ച് കാലമായി അത് കണ്ടിട്ടില്ലെന്നും ഖത്തര്‍ വിദേശകാര്യ മന്ത്രാലയ വക്താവ് മജീദ് അല്‍ അന്‍സാരി മാധ്യമങ്ങളോട് പറഞ്ഞു.
ഒക്ടോബര്‍ 7 ന് ആരംഭിച്ച ഇസ്രയേല്‍- ഫലസ്തീന്‍ സംഘര്‍ഷത്തില്‍ മധ്യസ്ഥ ഇടപെടലുകള്‍ നടത്തുന്ന പ്രധാന രാജ്യങ്ങളിലൊന്നാണ് ഖത്തര്‍. ഗസയില്‍ ഉടനടി താല്ക്കാലിക വെടിനിര്‍ത്തല്‍ പ്രഖ്യാപിക്കണമെന്ന് ഖത്തര്‍ ഉള്‍പ്പെടെയുള്ള അറബ് രാജ്യങ്ങള്‍ യുഎസ് സ്‌റ്റേറ്റ് സെക്രട്ടറി ആന്റണി ബ്ലിങ്കനോടും ആവശ്യപ്പെട്ടിരുന്നു. അതേസമയം ആക്രമണം താല്ക്കാലികമായി നിര്‍ത്തണമെന്ന യുഎസിന്റെ ആഹ്വാനവും നിരസിച്ച ഇസ്രയേല്‍ ഗസയില്‍ ആക്രമണങ്ങള്‍ കടുപ്പിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
