April 15, 2024
April 15, 2024
ദോഹ: ഖത്തറില് ഇന്ന് ശക്തമായ മഴയ്ക്ക് സാധ്യത. മഴയ്ക്കൊപ്പം ശക്തമായ കാറ്റിനും ഇടിക്കും സാധ്യതയുണ്ടെന്നും ഖത്തര് കാലാവസ്ഥ വകുപ്പ് മുന്നറിയിപ്പ് നല്കി. ഏപ്രില് 17, ബുധനാഴ്ച വരെ മഴ തുടരും. കാലാവസ്ഥ മേഘാവൃതമായിരിക്കുമെന്നും അതോറിറ്റി അറിയിച്ചു. കാറ്റിനൊപ്പം ആലിപ്പഴ വര്ഷത്തിനും സാധ്യതയുണ്ട്.
കടല് പ്രക്ഷുബ്ദമാകാന് സാധ്യതയുള്ളതിനാല് തീരപ്രദേശത്തും ജാഗ്രതാ നിര്ദേശം നല്കിയിട്ടുണ്ട്. 10-12 അടിവരെ തിരമാലകള് ഉയര്ന്നേക്കാം. എല്ലാവരും ജാഗ്രത പാലിക്കണമെന്നും ഇടിമിന്നലില് സുരക്ഷാ മാര്ഗനിര്ദേശങ്ങള് പാലിക്കണമെന്നും കാലാവസ്ഥാ വകുപ്പ് അറിയിച്ചു. ഔദ്യോഗിക സ്ത്രോതസ്സുകളില് നിന്നുള്ള വിവരങ്ങള് മാത്രം സ്വീകരിക്കണമെന്നും വകുപ്പ് നിര്ദേശിച്ചു
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F