April 16, 2024
April 16, 2024
ദോഹ: സുഡാന് വേണ്ടി 25 മില്യൺ ഡോളർ സഹായം പ്രഖ്യാപിച്ച് ഖത്തർ. ഇന്നലെ (തിങ്കൾ) ഫ്രാൻ‌സിൽ നടന്ന പാരീസ് കോൺഫറൻസിന് മുമ്പ് ഖത്തർ വിദേശകാര്യ മന്ത്രാലയത്തിലെ അന്താരാഷ്ട്ര സഹകരണ സഹമന്ത്രി ലുൽവ ബിൻത് റാഷിദ് അൽ ഖാതർ നടത്തിയ പ്രസംഗത്തിലാണ് ഇക്കാര്യം പ്രഖ്യാപിച്ചത്.
സുഡാനിൽ ഏറ്റവും കഠിനമായ സമകാലിക മാനുഷിക ദുരന്തങ്ങളിലൊന്നിന് സാക്ഷ്യം വഹിക്കുന്ന സുപ്രധാന സമയത്താണ് കോൺഫറൻസ് നടത്തുന്നതെന്നും ലുൽവ ഊന്നിപ്പറഞ്ഞു.
വിദ്യാഭ്യാസ സമ്പ്രദായത്തിന് പുറത്തുള്ള വിദ്യാർത്ഥികളുടെ ശതമാനം ഇന്ന് ഏറ്റവും ഉയർന്ന അന്തർദേശീയ തലത്തിലാണെന്നും അവർ അഭിപ്രായപ്പെട്ടു. സുഡാനിലെ ജനങ്ങൾ സാക്ഷ്യം വഹിക്കുന്നത് വലിയ അതിക്രമങ്ങൾക്കാണെന്നെന്നും , ഭക്ഷ്യ-മരുന്നിന്റെ കടുത്ത ക്ഷാമം നേരിടുന്നതായും ലുൽവ ആവർത്തിച്ചു. സുഡാൻ വിഷയം അന്താരാഷ്ട്ര അജണ്ടയിലേക്ക് തിരികെ കൊണ്ടുവരുന്നതിനും അന്താരാഷ്ട്ര സമൂഹത്തിന്റെ മുൻഗണനകളുടെ പട്ടികയിൽ ആദ്യ സ്ഥാനത്ത് സ്ഥാപിക്കുന്നതിനും, സുഡാന് സംഭാവന നൽകേണ്ടതിന്റെ പ്രാധാന്യവും അവർ എടുത്തുപറഞ്ഞു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
