December 10, 2023
December 10, 2023
ദോഹ: സൗദിയിലെ നിയോം ബേ വിമാനത്താവളത്തിലേക്ക് ഖത്തർ എയർവേയ്‌സ് പുതിയ വിമാന സർവീസ് ആരംഭിചു. ഹമദ് അന്താരാഷ്ട്ര വിമാനത്താവളത്തിൽ നിന്നുള്ള ഉദ്ഘാടന വിമാനം ഇന്നലെ (ഡിസംബർ 9) നിയോം ബേയിൽ എത്തി. ഖത്തർ എയർവേയ്‌സിന്റെ എയർബസ് A320-214 വിമാനമാണ് നിയോം ബേയിലേക്ക് ആഴ്ചയിൽ രണ്ട് സർവീസ് നടത്തുന്നത്. ഇതോടെ, ഖത്തര്‍ എയർവെയ്‌സ് സര്‍വീസ് നടത്തുന്ന സൗദിയിലെ ഒൻപതാമത്തെ നഗരമായിരിക്കും നിയോം ബേ.
ശനിയാഴ്ച നിയോം ബേയിൽ നിന്ന് രാവിലെ 11:25ന് പുറപ്പെടുന്ന വിമാനം ഉച്ചക്ക് 2:00 മണിക്ക് ദോഹയിലെത്തും. വ്യാഴാഴ്ചകളിൽ ദോഹയിൽ നിന്ന് രാവിലെ 6:35ന് പുറപ്പെടുന്ന വിമാനം രാവിലെ 9:50നാണ് നിയോം ബേയിലെത്തുന്നത്.
അതേസമയം, സൗദിയിലെ യാംബുവിലേക്കും ഖത്തര്‍ എയർവെയ്‌സ് സർവീസ് പുനരാരംഭിച്ചിട്ടുണ്ട്. ഞായര്‍, ബുധന്‍ ദിവസങ്ങളിൽ ആഴ്ചയില്‍ രണ്ട് സര്‍വീസുകളാണ് ഉണ്ടാവുക.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
