December 04, 2023
December 04, 2023
ഗസ: ഗസയിൽ ജബലിയ അഭയാർഥി ക്യാമ്പിലെ അൽ-ഫലൂജ മേഖലയിൽ ഇസ്രയേൽ നടത്തിയ വ്യോമാക്രമണത്തിൽ പ്രമുഖ ഫലസ്തീൻ ശാസ്ത്രജ്ഞനും ഗസയിലെ ഇസ്ലാമിക് യൂണിവേഴ്സിറ്റിയുടെ അധ്യക്ഷനുമായ സുഫിയാൻ തായിഹും കുടുംബവും കൊല്ലപ്പെട്ടു. ആക്രമണത്തിൽ തായിഹും കുടുംബവും ഉൾപ്പെടെ 100 ഫലസ്തീനികളാണ് കൊല്ലപ്പെട്ടത്.
2021ൽ ലോകത്തെ ഏറ്റവും മികച്ച രണ്ട് ശതമാനം ഗവേഷകരിൽ ഒരാളായിരുന്നു സുഫിയാൻ. യുവ അറബ് ശാസ്ത്രജ്ഞർക്കുള്ള അബ്ദുൾ ഹമീദ് ഷോമൻ പുരസ്കാരവും അദ്ദേഹത്തിന് ലഭിച്ചിട്ടുണ്ട്. 2023ൽ ഫലസ്തീനിലെ ഭൗതിക, ജ്യോതിശാസ്ത്ര, ബഹിരാകാശ ശാസ്ത്രങ്ങളുടെ ഐക്യരാഷ്ട്ര വിദ്യാഭ്യാസ ശാസ്ത്ര സാംസ്കാരിക സംഘടന മേധാവിയായും സുഫിയാൻ പ്രവർത്തിച്ചിരുന്നു.
അതേസമയം, ഗസയിൽ വെടിനിർത്തലിന് ശേഷം കൊല്ലപ്പെട്ടവരുടെ എണ്ണം 800 കടന്നു. വെടിനിർത്തൽ അവസാനിച്ചതിന് പിന്നാലെ ഇസ്രയേൽ സേന ആക്രമണം തെക്കൻ ഗസ ഉൾപെടെ മറ്റു ഭാഗങ്ങളിലേക്കും വ്യാപിപ്പിച്ചതായാണ് റിപ്പോർട്ട്. ഗസ സിറ്റിയും ടെൽ അവ് സാതറും ഖാൻ യൂനിസും റഫയും കേന്ദ്രീകരിച്ചാണ് ഇസ്രയേൽ ആക്രമണം നടത്തുന്നത്. ഫലസ്തീനികളോട് ഒഴിയാൻ ആവശ്യപ്പെട്ട ശേഷം നേരിട്ടുള്ള ആക്രമണങ്ങൾക്കായി ഇസ്രയേൽ തയാറെടുക്കുകയാണെന്നും റിപ്പോർട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F